SuperDizionari

fantasime s.f.
(fan-ta-si-me)

Anime di un muart

sinonims

comparence, ombre, spirt, parence

esemplis

"i viei a contin che prin dal Concei di Trent e jere dute une sdrume di danâts, spirts e fantasimis che a torzeonavin pal mont a messet dai vîfs"

gjavât fûr di "Batistute" di Josef Cjargnel

"i pareve che il linzûl si movès… come se di front di lui e fos une fantasime…"

gjavât fûr di "La trombe" di Checo Tam

fantasime adi.inv.
(fan-ta-si-me)

Che nol esist plui, che nol esist, che al è di chel altri mont e v.i.

esemplis

"ciertis gnots e sintive ancje cualchi glon che l'aiar al robave ae cjampane fantasime dal imbarcjadôr"

gjavât fûr di "Cjase di Dalban" di Maria Forte

"il sunsûr nol jere vêr, al jere di une caroce fantasime"

gjavât fûr di "Il dolfin" di Carlo Sgorlon

fantasime s.f.
(fan-ta-si-me)

Pinsîr, persone o situazion menaçose o displasevule che si cîr di ignorâ, ma che e torne simpri a saltâ fûr

esemplis

"Jolande e fevelave dome di numars, di ipotechis e di spesis, ma tant jê che lui a sintivin che jenfri chês cjartis si movevin ancjemò lis fantasimis dal timp passât"

gjavât fûr di "Prime di sere" di Carlo Sgorlon

"la idee che Nando al stave par strabalçâ tal matrimoni, no jere plui une fantasime cence pês, ma une veretât che e veve un non e une muse"

gjavât fûr di "Cjase di Dalban" di Maria Forte

monolengâl