Hai cercato la parola
monolingue
Torna indietro

monolingue

fastidi s.m.
(fas-ti-di)
Sensazion di contrarietât rispiet a alc o a cdn.
sinonimi
riviel
esempi
"la viste dal om sentât cun indolence, e massime chel plantâi i voi intor, i de a colp un sens di fastidi"
da "Trê feminis" di Gianni Gregoricchio
"i restave, a buinore, dome il fastidi di alc malinsumiât"
da "Mabile la Lunghine" di Maria Forte
"i vistîts a tacavin te schene, a fasevin fastidi"
da "La aghe da pît la cleve" di Dino Virgili
Vedi anche: fastili
fastidi s.m.
(fas-ti-di)
Fat negatîf che al da displasê, soredut no spietât o che no si pues evitâ
sinonimi
inciert, inconvenient, intop, dificoltât, probleme
esempi
"il fi [...] cercjava una ocasion o un pretest di finî chel travai, chê fadia, chel fastidi [un lavôr dûr par pescjâ]"
da "Il me paîs" di Federigo Comelli
"no sai ancjemò se al sarà par me un fastidi o un plasê"
da "Sul agâr" di Pieri Menis
"une volte finît il fastidi de naie e la condane de vuere, a tornin a cjase"
da "Soldât jo mame!" di Riedo Pup
fastidi s.m.
(fas-ti-di)
Idee, sensazion, cundizion psicologjiche di tension pe pôre che al puedi sucedi alc di negatîf
sinonimi
pinsîr, preocupazion, scrupul, spine, cruzi, cruzie, intric, probleme, lambic
esempi
"[il balon al] svarie la int, le stravie dai problemis, le libere dai fastidis e i ten concentrât il cjâf nome su lis pidadis"
da "Balon: crodi, ubidî e paiâ" di Riedo Pup
"o ai la impression di vêi dât un pinsîr, un fastidi"
da "I forescj" di Alan Brusini, Gian Paolo Linda
"zoventût alegre, senze fastidis, passionade pa la art e pa vite libare"
da "La Madalene" di Zuan Lurinçon
"no stâ vê fastidi, o pensi jo!"
da "Cjampanis" di Laurin Zuan Nardin
fastidi s.m.
(fas-ti-di)
Situazion di dificoltât che e domande une soluzion
sinonimi
probleme, dificoltât, berdei, gredei, ingredei, intric, imberdei
esempi
"no vevi fastidis cu la lenghe tabaiade, ma scrivi no vevi mai scrit"
da "Un Friûl difarent: i 90 mhz di Onde Furlane" di Max Mauro
"cui fastidis de ricostruzion dal taramot in cjase, par cui che al ven dal Friûl taramotât, o cui fastidis di famee e dal impegn scolastic, nol reste timp di impegnâsi pe cause"
da "Memoriis di politiche linguistiche" di Adrian Cescje
fastidi s.m.
(fas-ti-di)
Pierdite temporanie de cussience
sinonimi
svariade, svaniment, imbast
esempi
"mi soi sintude a tirâ sù… po mi è vignût fastidi e mi soi sveade di gnot in speziarie dulà che chel om mi veve puartât"
da "Resurezion a Pontinie" di Pieri Somede dai Marcs
proverbi
"fîs piçui, fastidis piçui; fis grancj, fastidis grancj"
"mil fastidis no pain un debit"
Torna in Cima