Hai cercato la parola
monolingue
Torna indietro

monolingue

fermâ v.tr.
(fer-mâ)
Fâ che une robe che si môf o che e pues movisi no si movi
sinonimi
blocâ, tignî
esempi
"jê, cul pâl di fier, e torne a fermâ la puarte"
da "Trê sûrs" di Andreina Nicoloso Ciceri
"il miedi al tignive Fonso pal braç, il fi i fermave lis gjambis, une infermiere e tacà a sburtâ il jet bande de puarte"
da "Tal ospedâl" di Amedeo Giacomini
"il Bulo al puartà une man a fermâ lis vissaris che a si spopeavin di un slambri de panze e cu la curtiele vierte ta chê altre man, si metè a cori daûr a chel nemì "
da "Il Bulo di Crodio" di Maria Forte
fermâ v.tr.
(fer-mâ)
Fâ che cdn. nol puedi plui lâ indevant, vignî cuintri, lâ vie e v.i., ancje cu la autoritât o cu la fuarce
esempi
"lis trupis talianis a jerin scjampadis di buride, passant sul puint di Pinçan che al jere inmò in pîts e che al fo fat saltâ subit dopo par fermâ il nemì"
da "Il muc" di Roberto Ongaro
fermâ v.tr.
(fer-mâ)
Impedî, no permeti alc o no permeti a cdn. di fâ alc
esempi
"al restà imbambinît e cence rispueste, scuasit vergognôs come un frut…, po al fermà altris domandis cu la sô ridade scjassose"
da "Cjase di Dalban" di Maria Forte
"cundut che Cavedalis al fos contrari a cheste azion e al cirìs di fermâlu, Zucchi al decidè istès di lâ cuintri i todescs"
da "Zuan Batiste Cavedalis - Une vite esemplâr" di Giovanni Pillinini
fermâ v.tr.
(fer-mâ)
[TS] (dir.) Meti in stât di fer
fermâ v.tr.
(fer-mâ)
Concentrâsi cu la atenzion o fâ che alc al deventi sigûr tal pinsîr, tal ricuart e v.i. (fig.)
sinonimi
blocâ, inclaudâ, fissâ, tignî
esempi
"e cirive, cun voi seneôs, il borc di lui, propit a ret dal tei de cjase dai Santins, e di chê bande e fermave il so pinsîr restîf"
da "Cjase di Dalban" di Maria Forte
fermâ v.tr.
(fer-mâ)
Comunicâ l'interès par un ben o un serivizi, di maniere di tignîlu a disposizion, ancje paiant une capare o un anticip
sinonimi
blocâ, prenotâ, risiervâ, impegnâ
esempi
"«Sì, Herr Müller, o ai cambiât cuartîr e lu ai fermât par un pieç a Lansing, cence disturbâ la vuestre famee»"
da "La tiere di Lansing" di Maria Forte
fermâ v.tr.
(fer-mâ)
Meti sot secuestri
esempi
"i àn fermade dute la robe"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
fermâ v.tr.
(fer-mâ)
Fâ segn a un mieç di traspuart public che si vûl cjapâlu
esempi
"fermâ un taxi"
fermâ v.intr.
(fer-mâ)
Lassâ di fâ ce che si è daûr a fâ
sinonimi
molâ, lassâ, finî, smeti, dismeti, cessâ
esempi
"maiôr, o stais copant i nestris, fermait subit di trai!"
da "Chei de vuere dal '15" di Alan Brusini
"ancje o crôt che al vedi fermât di plovi"
da "Donald dal Tiliment" di Stiefin Morat
"a fermavin un moment di lavorâ"
da "Cjase Basse" di Dino Virgili
proverbi
"il timp al passe e no si po fermâlu"
"ni par baiâ di cjan ni par ronâ di mus nol è stât mai fermât il cors de lune"
Torna in Cima