Tu âs cirût la peraule
monolengâl
torne indaûr

monolengâl

fete s.f.
(fe-te)
Toc di mangjative taiade in maniere di jessi avonde largje e fine
sinonims
toc, bocon, sclop, slepe, slep, slepar
esemplis
"une biele fete di pan di chel neri"
gjavât fûr di "Storie di Vera" di Ivano Urli
fete s.f.
(fe-te)
Robe che e à une forme avonde largje e grande
esemplis
"il cîl al jere a fetis di vapôr, scuris tal bas, claris su lis monts"
gjavât fûr di "I forescj" di Alan Brusini, Gian Paolo Linda
"dut strafont. I cjavei i colin jù a fetis sul cerneli, sul nâs"
gjavât fûr di "La ombrene" di Meni Ucel
"il cuviert al pareve stravuacât sot il pês di une fete penze di nêf"
gjavât fûr di "La tiere di Lansing" di Maria Forte
fete s.f.
(fe-te)
Part di alc che al ven dividût
sinonims
toc, part, porzion
esemplis
"a mê mari i veve tocjade une biele fete di ereditât"
gjavât fûr di "Trê feminis" di Gianni Gregoricchio
fete s.f.
(fe-te)
[FÛ] (teatr.) Toc teatrâl
fete s.f.
(fe-te)
Discors o scrit lunc e che al stufe
sinonims
luianie, broade, solfe, petule
esemplis
"ce predicje, ce fete! / ca plui no la finìn"
gjavât fûr di "Sino in glesie o sul marcjât?" di Pre Zaneto
"[...] ce disie jê? / Jo o dîs che e je une fete / e che il gustâ mi spiete"
gjavât fûr di "La scunsulte" di Emilio Nardini
fete s.f.
(fe-te)
Bote o cuantitât di botis
sinonims
slepe, rate, sdrondenade, petule, onzude, batût, copete, batude
esemplis
"i mene a braçs aviarts, cuasi lu mace / [...] / da un trop zelant copari e trop amì / al veve tirât sù dute chê fete"
gjavât fûr di "La sdrondenade" di Pieri Çorut
detulis
"cuant che la polente e je piçule, tenti la tô fete in man"
"e vâl plui une fete di polente cuiete che no une spanzade maladete"
"la femine e à il cûr a fetis e, se lis da, no son mai netis"
"par grande che e sedi la fertaie cuant che si è in putrops a dividile, la fete e tocje piçule"
torne sù