Tu âs cirût la peraule
monolengâl
torne indaûr

monolengâl

fi s.m.
Persone considerade in riferiment a sô mari e so pari
sinonims
canai, creature, frut, fiol
esemplis
"se tu vegnis par di là, ti presenti il gno om, i miei fîs e chei altris parincj"
gjavât fûr di "Prime di sere" di Carlo Sgorlon
"dopo, di pari in fi, la proprietât e jere deventade simpri plui grande"
gjavât fûr di "Il dolfin" di Carlo Sgorlon
"i ai un fi che al à da nassi"
gjavât fûr di "Scûr e lusour" di Novella Cantarutti
fi s.m.
[BF] In gjenerâl, frut o zovin, ancje cence relazion di parintât
sinonims
fiol, frut, canai
esemplis
"un puar fi patît e mâl metût"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
fi s.m.
Tant che apelatîf a une persone plui zovine o che in ogni câs si trate cun confidence
sinonims
fion, frut, fantat, frutat, fiol, creature
esemplis
"[Meni Fari] - Isal biel il Paradîs? [Sant Pieri] - Joi !… Ma tu, fi gno, come che ti ai dit, tu pues fâ crosetis"
gjavât fûr di "Meni Fari" di Luigi Gortani
fi s.m.
[TS] (teol.) Spec. cun iniz. maiusc., Crist tant che fi di Diu e une des personis de Trinitât
esemplis
"batiâ in non dal Pari, dal Fi e dal Spiritussant"
gjavât fûr di "La aghe da pît la cleve" di Dino Virgili
fi s.m.
Persone che e mostre lis cualitâts positivis e negativis dal so ambient, dal so moment storic e v.i.
esemplis
"pre Zaneto al jere un fi dal popul e come un fi dal popul al meteve jù lis sôs poesiis cuntune ande popolaresche"
gjavât fûr di "Pre Zaneto" di Roberto Jacovissi
""Manga, parcè dopristu simpri chestis brutis peraulis?" "Orgnan, tu sês propit un orgnan! Jo o soi un fi dal mio timp e, tu sâs che i militârs a fevelin simpri sporc!""
gjavât fûr di "Sense" di Checo Tam
fi s.m.
Ce, cui che al derive, che al è causât di cdn., di alc, di une cierte situazion e v.i. (fig.)
sinonims
consecuence, efiet, prodot, risultât
esemplis
"chest stes volum al è fi dal Dizionari Ortografic Furlan di Informazion Furlane, miorât e articolât te forme particolâr che e caraterize la stampe a pet dal imprest informatic"
gjavât fûr di "Jentrade dal DOF" di Sandri Carrozzo
"la Glesie di Viene e je fie di chê di Aquilee; chê di Augsburg e je fie di Aquilee; chê di Como e je fie di Aquilee; chê di Lubiane fint a Zagabrie, ancje! Come chê di Mantue e dutis chês dal Venit"
gjavât fûr di "La nestre storie" di Francesc Placerean
fi s.m.
Menade gnove di une plante,
esemplis
"da la radrîs pulula ator un bosc frondôs di fîs"
gjavât fûr di "La Gjeorgjica di Virgjili" di Zuan Josef Busiç
detulis
"beâts chei fîs che a àn lôr pari a cjadaldiaul"
"contadin no stâ seâ parcè che la mari il fi e à di bagnâ"
"cuant che il pari al fâs carnevâl, i fis a fasin cuaresime"
"cui che al à un sôl cjamp al fâs un ort, cui che al à un sôl fi al fâs un porc"
"cui che al strussie pai fîs tal ultin al à nome che suspîrs"
"cui che di gjate al nas surîs al pie e se no 'nt pie, no je sô fie"
"cui che i vûl masse ben ai fis ju tradìs"
"cui che nol è bon fi nol è bon marît"
"dulà che il pari al met il claut il fi al picje il cjapiel"
"fi sôl: o mat o lôf"
"fi unic, baron fotût"
"fîs piçui, fastidis piçui; fis grancj, fastidis grancj"
"i fis a train daûr dal pari"
"i gjenitôrs a àn il dovê di mantignî i fis fin che a àn sessante agns finîts; e po passâur il tabac"
"la supierbie e je fie da la ignorance"
"ognidun al è fi des sôs azions"
"se o ves un fi che al ves non doman, o volarès maçâlu daurman"
"tâl il pari, tâl il fi"
"un pari al manten cent fis, ma cent fis no rivin a mantignî un pari"
"un pari al manten dîs fîs, dîs fîs no son bogns nancje di mantignî une mari"
"un pari al nudrìs dîs fîs e dîs fis no son bogns di mantignî il pari"
torne sù