Tu âs cirût la peraule
monolengâl
torne indaûr

monolengâl

fiere s.f.
(fie-re)
Incressite de temperadure dal cuarp tant che reazion di difese cuintri malatiis, infezions, tension e v.i.
esemplis
"lu dismoveve a cinc a buinore l'infermîr che al vignive a misurâi la fiere"
gjavât fûr di "Tal ospedâl" di Amedeo Giacomini
"e murì tal lunis, brusade di fiere, che e çavariave e e clamave Menut"
gjavât fûr di "Dome la cjampanute di Sant Bortul" di Maria Forte
"nol veve vude une linie di fiere di cuant che al jere al mont"
gjavât fûr di "Aiar di cjase" di Franca Mainardis
"Gjoriu al rivà dongja cjoc di fievra e al si butà sul jet che al sfladava malamintri"
gjavât fûr di "La not di Gjoriu" di Novella Cantarutti
"la fiere e jere lade jù scuasi dal dut"
gjavât fûr di "Il dolfin" di Carlo Sgorlon
Viôt ancje: fievre, fievare, fievere
fiere s.f.
(fie-re)
Herpes simplex che al ven sui lavris (pop.)
esemplis
"i è sbrocade la fiere"
"i nestris vecjos a disevin che se al colave il pâl, a lis zovinis ur vignivin fûr i bruscs e a lis vedranis la fiere"
gjavât fûr di "La foghere" di Luciano Rocco
fiere s.f.
(fie-re)
Mût di sintî e di fâ individuâl o sociâl plen di tension, ancje fûr di control, par rivâ a vê alc (fig.)
sinonims
bulidure, smanie, sbisie
esemplis
"la fiere di ribelion e someave finide, e la rivoluzion dai students indurmidide"
gjavât fûr di "Ombris tal infinît" di Carlo Sgorlon
"la famee di jê e slargjà i braçs ancje a lui, che li al bonave la fiere dai pinsîrs"
gjavât fûr di "Cjase di Dalban" di Maria Forte
"l'à tal cûr la sô fede e l'à par ogni gnarf la fiera di cui che al ûl vinsi"
gjavât fûr di "Al mandolâr" di Ugo Pellis
detulis
"a sta dibant e ven la fiere"
"fiere continue e cope cjavai"
"no ven la fiere in chê dì che si mangje i brugnui"
"pal dolôr di cjâf no lasse di vignî la fiere"
"se la invidie e fos la fiere, trops di lôr le batarès"
torne sù