SuperDizionari

fisic adi.
(fi-sic)

De nature, dai fenomens naturâi

sinonims

naturâl

esemplis

"ancje tegnint cont dai tancj taramots ancje fuarts, dal pont di viste fisic il paisaç nol è cambiât plui di tant"

gjavât fûr di "Studi da la evoluzion dal paisaç mediant i toponims" di Rino Gubiani

"si varès di fevelâ ancje dai delits cuintri l'ambient fisic, gjeografic, teritoriâl"

gjavât fûr di "I furlans e l'ambient" di Riedo Pup

fisic adi.
(fi-sic)

Che al à une dimension materiâl

sinonims

materiâl, concret, corpori, reâl

esemplis

"la organizazion teoriche di ogni pussibil ogjet di cognossince e di memorie e vignive a corispuindi ae organizazion fisiche de realtât"

gjavât fûr di "Il brevet" di Mario Turello

fisic adi.
(fi-sic)

Dal cuarp, in particolâr dal cuarp uman

sinonims

corpori, materiâl, sensuâl

esemplis

"par ordin che pre Checo al pierdeve lis fuarcis fisichis e psicologjichis par continuâ il so grant progjet, Beline si cjamave lui de responsabilitât di continuâlu"

gjavât fûr di "Memoriis di politiche linguistiche" di Adrian Cescje

"la ativitât fisiche e la alimentazion a son di fat dôs componentis che a concorin a fânus mantignî il pês just e un benstâ fisic che al sbasse la probabilitât di vê problemis di salût"

gjavât fûr di "Interviste a Attilio Maseri" di Carli Morandin

fisic s.m.
(fi-sic)

Cuarp di une persone o di un animâl

sinonims

cuarp, personâl, persone, tressadure

esemplis

"la ploie difûr, e dentri une smare, un vueit, un malstâ di fisic"

gjavât fûr di "La aghe da pît la cleve" di Dino Virgili

"al clamà il veterinari che al cjatà la besteute sane di fisic ma tant deperide"

gjavât fûr di "A gustâ dal plevan" di Angelo Covazzi

fisic s.m.
(fi-sic)

Studiôs di fisiche

esemplis

"i doi plui grancj fisics de storie, Newton e Einstein, a son stâts un grum interessâts e inmagâts des cuistions religjosis"

gjavât fûr di "Teologjie algjebriche" di Sergio Cecotti

monolengâl