SuperDizionari

fissâsi v.pron.tr.
(fi-ssâ-si)

Fermâ une part dal propri cuarp, alc che si à intor, alc di proprietât, o in maniere reciproche e v.i.

sinonims

fermâsi, pontâsi

esemplis

"fissâsi une spile te gjachete"

fissâsi v.pron.intr.
(fi-ssâ-si)

Cjapâ sù une forme salde o ancje rigjide, definitive (fig.)

sinonims

stabilîsi

esemplis

"i rapuarts di produzion tra [...] i siôrs o parons di tiere e i contadins, si fissarin tra 1500 e 1600 e a restarin chei fin a 1900"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

"al sarès ancje interessant di analizâle a la fonde, cheste lenghe, par capî se e trop che la norme e je rivade adore di fissâsi"

gjavât fûr di "Il timp des domandis" di Laurin Zuan Nardin

fissâsi v.pron.intr.
(fi-ssâ-si)

Jentrâ e fermâsi inte memorie, tal pinsîr (fig.)

esemplis

"un bon slogan al va ripetût, chel e simpri chel fin che si fissi tal cjâf e al puarti a la rispueste convinte"

gjavât fûr di "Comunicâ la autonomie" di Sandri Di Suald

"lis lenghis imparadis a cheste etât, cence cussience e sfuarç, si fissin intai sistemis de memorie procedurâl"

gjavât fûr di "Il cjâf dai furlans" di Franc Fari

fissâsi v.pron.intr., v.pron.tr.
(fi-ssâ-si)

Fermâsi a cjalâ fis, cjalâ fis alc di se stes o cjalâsi fis un cul altri (ancje fig.)

esemplis

"ognun al veve pôris gnovis tai voi che si fissavin tal vueit"

gjavât fûr di "Cjase di Dalban" di Maria Forte

"cjaminâ un a flanc l'altri, cence fissâsi tai voi, cjalant lontan, in alt, viers la cime, fasint fente di dî robis di nuie"

gjavât fûr di "Cretevierte" di Roberto Ongaro

fissâsi v.pron.intr.
(fi-ssâ-si)

Considerâ cun atenzion, o ancje cun ustinazion o ancje in maniere ossessive

esemplis

"[Angelo Bongioanni] tal articul “A proposito di grafia” al ironize su la fantasie paranoide dal gjornâl concorint fissantsi soredut su problemis di grafie"

gjavât fûr di "Il lunari mai jessût - Tellini te prime vuere mondiâl" di Donato Toffoli

"a jerin contraris dome parcè che no jere la "lôr" grafie che si jerin fissâts a doprâle fin ae muart"

gjavât fûr di "Memoriis di politiche linguistiche" di Adrian Cescje

monolengâl