Hai cercato la parola
monolingue
Torna indietro

monolingue

flât s.m.
Aiar che si mande fûr cuant che si respire
esempi
"e sosseda, cliputa come al flât dai nemâi, una ariuta"
da "Al mandolâr" di Ugo Pellis
"[un dragat] cul so flât impestât al intosseave la font a talmentri, che cui cu sedi, nemâl o cristian che al intivàs a bevint, al colave sec incandît cence vite"
da "Il dragat dal Fontanon" di Josef Cjargnel
"cuant po che al mi ven dongje cun chel flât di bevaçone mi si ribalte il stomi"
da "Al fresc" di Pieri Somede dai Marcs
flât s.m.
Il respirâ, la respirazion, la fuarce che e da il respirâ
sinonimi
respîr
esempi
"fintant che o varai flât, nissun mi cjaparà"
da "Trê feminis" di Gianni Gregoricchio
" i veve dit di sì, ma cuntun cûr sglonf di fermâi il flât, e cun alc di dissipât dentri vie"
da "Cjase di Dalban" di Maria Forte
"ancje il flât al pareve grivi cun dut chel pulvin jevât"
da "La aghe da pît la cleve" di Dino Virgili
"Nita e sierà i voi spietant il ton cuntune pôre subitanie e il flât stratignût"
da "La aghe da pît la cleve" di Dino Virgili
flât s.m.
Aiar che si môf, pal vint o pe fuarce di cdn. o di alc
sinonimi
buf, bave, bugade, aiar, vint, sofli, soflet, soflade
esempi
"nol tirave un flât di buere"
da "Il dolfin" di Carlo Sgorlon
"sù dai cjamps e des cjarandis al rivave un flât di frescure"
da "Trê feminis" di Gianni Gregoricchio
"al jere daûr a menâ il sfuei par dâi flât a di un fûc di stancol"
da "Il muc" di Roberto Ongaro
flât s.m.
Vôs (fig.)
esempi
"al spesseà a berlâ cun dut chel pôc di flât che i jere restât"
da "Il muc" di Roberto Ongaro
"jê, mo, siore parone e à flât di spaçâ"
da "Cjase di Dalban" di Maria Forte
flât s.m.
[TS] (mus.) Ogni strument che al sune par vie che l'aiar mandât dentri cul flât dal sunadôr al vibre intune colone
flât s.m.
Cuantitât di licuit che si glot intune volte
sinonimi
glotude, glut, cluc, sluc, got, sclip
esempi
"eco: jo mi dispoi di ogni fastidi: / o bêf un flat, po un altri par prionte"
da "El cuarantevot" di Pieri Corvat
"pan vanzât che a crugnavin cuntun flât di aghe cjolte tal cjaldîr cul cop"
da "Come tai romançs" di Alan Brusini
flât s.m.
[BF] Jessude di gas intestinâl
sinonimi
pêt, pedeade
esempi
"je solevade, / à fat un flât; / subit la panze / si à disglonfât"
da "La primarole" di Pieri Çorut
proverbi
"al è miôr sparagnâ il flât par cuant che si à di murî"
"cui che al mangje ai i puce il flât"
"fin che al è flât e je sperance"
"flât di cûl al va là che al vûl"
"no si à di tirâ flât e gloti che e va pe scjavace"
Torna in Cima