Tu âs cirût la peraule
monolengâl
torne indaûr

monolengâl

flame s.f.
(fla-me)
Ponte di fûc, manifestazion de combustion in forme di lenghe di lûs che si môf
sinonims
vampe
esemplis
"daûr dal cjar e pendolave la flame rosse dal feralut"
gjavât fûr di "Prime di sere" di Carlo Sgorlon
"la flame e veve tancj ponts di colôrs e lui scuasit al brincave cui voi ogni mudament, come un che al sta in orele al sun di ogni cuarde dal so strument"
gjavât fûr di "La tiere di Lansing" di Maria Forte
"cu la flamute de cjandele che i tremave su la muse, Zuan al someave il profete Gjeremie in persone"
gjavât fûr di "Zuan Jeremie" di Riedo Pup
"de çocje di morâr e cricà plui fuart une bore e dal slambri che e veve fat tal boreç e vignì fûr une flamute come une lame di curtìs, vive, legre "
gjavât fûr di "A uciei cu lis archetis" di Pieri Menis
flame s.f.
(fla-me)
Fuarce di un sintiment, spec. dal amôr passionâl, o sintiment che al à empit (fig.)
sinonims
ferbince, fogôr, fuarce, fûc, passion
esemplis
"la flame dal amôr"
"lui l'è biel e o soi brute / ma no vuei compatiment: / ten scuindude la mê flame, / e cuviert il sintiment"
gjavât fûr di "A no po stâi" di Anute Fabris
"ce vitis che a fasin i vêrs e bogn talians par tornâ a inviulâ la flame dal valôr militâr, il «culto» dal eroisim, il «senso epico» de vuere"
gjavât fûr di "La sgarfade dal cjan" di Josef Marchet
flame s.f.
(fla-me)
Il mostrâsi imburît di alc, massime di une voie, di un pinsîr, di une ande e v.i. (fig.)
esemplis
"intai voi e intal rideç che i tirave i lavris, e slusignave une flame di sfide sfaçade"
gjavât fûr di "Trê feminis" di Gianni Gregoricchio
flame s.f.
(fla-me)
Il jessi vîf, il jessi presint di alc (fig.)
esemplis
"gnot penze di dolôr dulà che ogni flame di ben ere distudade"
gjavât fûr di "L'ombrenâr" di Pieri Somede dai Marcs
flame s.f.
(fla-me)
Colôr ros vîf, ancje in funzion adi.inv.
sinonims
bore, fûc, fumane, purpure, scalmane, scarlat, vampe
esemplis
"une moto colôr flame"
flame s.f.
(fla-me)
[TS] (milit.) Simbul militâr o mostrine a forme di flame di cierts cuarps
flame s.f.
(fla-me)
[BF] Persone che si è inamorâts o amants (fig.)
esemplis
"Tambûr, sence mostrâ curiositât, / al domande di cualchi antighe flame, / al domande se il tâl l'è mai sposât, / al domande se è vive chê tâl dame"
gjavât fûr di "Lis gloriis di Tambûr" di Pieri Çorut
torne sù