SuperDizionari

florî v.intr.
(flo-rî)

Di plante, fâ lis rosis, jessi tal moment che e fâs lis rosis

sinonims

florezâ, floritâ

esemplis

"in cjase di siore Marceline dut al jere sempliç e cjalt come i siei canelons che a florivin tal puest dai rosârs"

gjavât fûr di "Cjase di Dalban" di Maria Forte

"uì a flurissin li manuti che a fasin na panola dreta colour ciclamin e sot a àn una radîs che a pâr una man di femina"

gjavât fûr di "Li manuti" di Novella Cantarutti

Viôt ancje: sflorî

florî v.intr.
(flo-rî)

Nassi e cressi, vê vivôr, svilupâsi, prosperâ (fig.)

sinonims

cjapâ pît, cressi, florizâ, inlidrisâ, jessi in flôr, jessi in floride, lâ in flôr, passonâ, prosperâ, slargjâsi, spampanâsi, spandisi, sparniçâsi, sverdeâ, vignî sù

esemplis

"tal cûr ur florive la sperance che dut al finìs ben"

gjavât fûr di "Cjase di Dalban" di Maria Forte

"a tornavin a florî te cjase antighe lis costumancis vieris di famee"

gjavât fûr di "La aghe da pît la cleve" di Dino Virgili

"il Friûl al torne a ripiâ il so snait e la sô gole di vivi e di florî"

gjavât fûr di "Aquilee: sagre dai popui" di Antoni Beline

florî v.tr.
(flo-rî)

Fâ deventâ biel cu lis rosis

esemplis

"in pôc timp la femine Tissie e florive i barcons cun canelons e parigjins che e deventave une bilisie e ducj le cjalavin cun rispiet"

gjavât fûr di "Come tai romançs" di Alan Brusini

"lis damis a vevin sul sen i lôr flôrs di vermene e mazorane tirâts sù tai vâs sui barcons, e a florivin ancje la caroce"

gjavât fûr di "La aghe da pît la cleve" di Dino Virgili

florî v.intr.
(flo-rî)

[BF] Cuvierzisi di mufe

monolengâl