Tu âs cirût la peraule
monolengâl
torne indaûr

monolengâl

flum s.m.
Cors di aghe dolce, in gjenar avonde lunc, cun buine puartade
sinonims
flumere, riu, aghe
esemplis
"a son lis risultivis: a vegnin fûr i flums come il Stele, il Cuar"
gjavât fûr di "La nestre storie" di Francesc Placerean
"il flum turbit e discjadenât al savoltave arbui e bestiis inneadis"
gjavât fûr di "La aghe da pît la cleve" di Dino Virgili
"una altra persona, sudant ancja jê, cjaminava in chel moment istès dilunc pai rapârs che siarin di ca e di là il flun Natissa"
gjavât fûr di "Il me paîs" di Federigo Comelli
Viôt ancje: flun, sflum
flum s.m.
Cuantitât di licuit che al cor (iperb.)
sinonims
flumere, mâr, sglavin
esemplis
"i amîs a vevin puartât Toni intun biel ambient dulà che la bire e coreve a flums e la musiche e jere otime"
gjavât fûr di "Never Stop Discoteque II" di Checo Tam
flum s.m.
Robe che pe forme e pues someâ un flum (fig.)
esemplis
"il flum di asfalt de autostrade viere, lassade a bandon cu lis sôs siet corsiis par bande"
gjavât fûr di "La otave corsie" di Gianfranco Pellegrini
torne sù