Tu âs cirût la peraule
monolengâl
torne indaûr

monolengâl

fogolâr s.m.
(fo-go-lâr)
Puest de cjase là che si impie il fûc libar, par scjaldâ e par cusinâ
esemplis
"sul fogolâr ben planc si brusave il çoc di Nadâl, iluminant di ros i mûrs neris"
gjavât fûr di "Lis leiendis di Buie" di Pieri Menis
"il cusinon dai nonos al jere plen di lûs, cuntun fogolaron simpri impiât, massime di Invier cuant che dut il borc al puartave la robe purcine a infumâ"
gjavât fûr di "Il cuader de none" di Pieri Menis
"in cjâf a un meis il fogalâr al fo pront, biel larc cu li lastri di tof"
gjavât fûr di "Li manuti" di Novella Cantarutti
Viôt ancje: fogalâr
fogolâr s.m.
(fo-go-lâr)
Cjase tant che puest dai afiets, famee (fig.)
sinonims
nît
esemplis
"moscjis a ‘ndi è stadis simpri par ogni cjase, ma si paravisi di lôr cence sdrumâ il fogolâr"
gjavât fûr di "Lis predicjis dal muini" di Josef Marchet
"la vuere e veve stravuelt altris doi fogolârs!"
gjavât fûr di "Il muc" di Roberto Ongaro
fogolâr s.m.
(fo-go-lâr)
Spec. cun iniz. maiusc., associazion di furlans emigrâts fûr dal Friûl
esemplis
"al jere stât il taramot di pôcs dîs, in Svuizare a vevin scomençât a mandâ jutoris ai furlans, e il Fogolâr al cirive di coordenâ lis robis"
gjavât fûr di "Visâsi di chel puint radio" di Agnul di Spere
detulis
"cui che al à dongje dal fogolâr pâs e amôr, al è un siôr"
"cui che al à pâs, ligrie e amôr, dongje dal fogolâr al è un siôr"
"fogolâr distudât nol fâs fum"
torne sù