Tu âs cirût la peraule
monolengâl
torne indaûr

monolengâl

fondâ v.tr.
(fon-dâ)
Tacâ a fâ sù fasint lis fondis
sinonims
costruî, fâ sù, meti sù, tirâ sù
esemplis
"come che al fonde un lûc il moredôr"
gjavât fûr di "Il nît" di Pieri Mation
fondâ v.tr.
(fon-dâ)
Fâ un insediament
sinonims
fâ sù, impastanâ, istituî, meti sù, pastanâ, plantâ, tirâ sù
esemplis
"co Cesar al à fondât Tresesin, al à fat fâ subit une muraie cuadrade par meti a sotet i soldâts e i cjavai"
gjavât fûr di "Amîs come prime" di Alan Brusini
fondâ v.tr.
(fon-dâ)
Basâ, dâ une cierte base, une cierte fonde e di li disvilupâ il rest (fig.)
sinonims
basâ, fâ sù, fermâ, impastanâ, implantâ, pastanâ, plantâ, poiâ, sapontâ, stabilî, tignî sù, tirâ sù
esemplis
"fondâ la ricostruzion de Europe propit su dut ce che nazionalisims e ditaturis a vevin menaçât"
gjavât fûr di "Corsiche, Scozie, paîs Basc, Catalogne, Friûl... Europe" di Marc Stolf
"la Regjon Friûl - Vignesie Julie e fonde la sô autonomie e la sô specialitât juste su la presince fuarte des trê comunitâts linguistichis"
gjavât fûr di "Relazion dal Grup di lavôr “Planificazion linguistiche”" di Donato Toffoli
fondâ v.tr.
(fon-dâ)
(filos.) Cirî e determinâ il fondament di une realtât o dal savê
fondâ v.tr.
(fon-dâ)
Fâ lâ insot (ancje fig.)
sinonims
infondâ, sprofondâ
esemplis
"a scoltin il gothic-rock che al fonde lis sôs lidriis tal post-punk"
gjavât fûr di "La maree nere" di Checo Tam
fondâ v.tr.
(fon-dâ)
Fâ deventâ plui font
sinonims
infondâ, sprofondâ
esemplis
"bisugne che tu fondis di plui chê buse"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
detulis
"cui che al fonde sul popul si plante tal savalon"
torne sù