Hai cercato la parola
monolingue
Torna indietro

monolingue

font adi.
Che al à une cierte dimension lant injù o indentri o ancje lontan
sinonimi
alt, profont
esempi
"ta chel puest il flum al jere masse font par podê cjaminâ"
da "Il muc" di Roberto Ongaro
"[la aghe] uì a faseva il gorc pi font, po a slargiava il branc che al rivava viert come un grant specju sot il punt"
da "Malincunia dal lagu" di Novella Cantarutti
"al saltave te nêf fonde une gjambe"
da "Par stradis lungjis" di Alan Brusini
font adi.
Che al somee lâ injù o indentri in alc, che al è scûr o che al à intensitât (fig.)
esempi
"il colôr dal cîl al jere gnûf par jê, plui font"
da "Te grande place" di Agnul di Spere
"lis seris de Sierade, neris e fondis come poçs, di no viodi a un pas"
da "Par stradis lungjis" di Alan Brusini
font adi.
Di sunôr, bas (fig.)
sinonimi
baritonâl, bas, grivi, torgul
esempi
"une vôs fonde"
font adi.
Di gnot, che e je tal colm, tal mieç (fig.)
sinonimi
plen, dut
esempi
"doi sbârs di revolvar par aiar a forarin la gnot fonde"
da "La aghe da pît la cleve" di Dino Virgili
font adi.
Che al tocje la sostance des robis, cun fuarce, intensitât, impuartance e v.i. (fig.)
sinonimi
seri, profont
esempi
"dâ un sens plui font e plui unitari a la nestre vite dongje chê di chei altris oms"
da "Il cjâf dai furlans" di Franc Fari
"creâ lis cundizions par une pastorâl serie, fonde e, o torni a ripeti chê peraule di prin parcè che mi plâs, gjenuine"
da "Pe unitât di glesie in Friûl" di Francesc Placerean
font adi.
Chel al è indentri tal cûr, ta la anime e v.i. (fig.)
sinonimi
profont
esempi
"un amour inradisât fin ta li cumissuri pi fondi dal gno jessi"
da "Li Clausini" di Novella Cantarutti
Torna in Cima