Tu âs cirût la peraule
monolengâl
torne indaûr

monolengâl

font adi.
Che al à une cierte dimension lant injù o indentri o ancje lontan
sinonims
alt, profont
esemplis
"ta chel puest il flum al jere masse font par podê cjaminâ"
gjavât fûr di "Il muc" di Roberto Ongaro
"[la aghe] uì a faseva il gorc pi font, po a slargiava il branc che al rivava viert come un grant specju sot il punt"
gjavât fûr di "Malincunia dal lagu" di Novella Cantarutti
"al saltave te nêf fonde une gjambe"
gjavât fûr di "Par stradis lungjis" di Alan Brusini
font adi.
Che al somee lâ injù o indentri in alc, che al è scûr o che al à intensitât (fig.)
esemplis
"il colôr dal cîl al jere gnûf par jê, plui font"
gjavât fûr di "Te grande place" di Agnul di Spere
"lis seris de Sierade, neris e fondis come poçs, di no viodi a un pas"
gjavât fûr di "Par stradis lungjis" di Alan Brusini
font adi.
Di sunôr, bas (fig.)
sinonims
baritonâl, bas, grivi, torgul
esemplis
"une vôs fonde"
font adi.
Di gnot, che e je tal colm, tal mieç (fig.)
sinonims
plen, dut
esemplis
"doi sbârs di revolvar par aiar a forarin la gnot fonde"
gjavât fûr di "La aghe da pît la cleve" di Dino Virgili
font adi.
Che al tocje la sostance des robis, cun fuarce, intensitât, impuartance e v.i. (fig.)
sinonims
seri, profont
esemplis
"dâ un sens plui font e plui unitari a la nestre vite dongje chê di chei altris oms"
gjavât fûr di "Il cjâf dai furlans" di Franc Fari
"creâ lis cundizions par une pastorâl serie, fonde e, o torni a ripeti chê peraule di prin parcè che mi plâs, gjenuine"
gjavât fûr di "Pe unitât di glesie in Friûl" di Francesc Placerean
font adi.
Chel al è indentri tal cûr, ta la anime e v.i. (fig.)
sinonims
profont
esemplis
"un amour inradisât fin ta li cumissuri pi fondi dal gno jessi"
gjavât fûr di "Li Clausini" di Novella Cantarutti
torne sù