SuperDizionari

freolâsi v.pron.tr., v.pron.intr.
(fre-o-lâ-si)

Tocjâsi passant plui voltis une part dal cuarp, alc che si à intor, o cun reciprocitât e v.i.

sinonims

massazâsi, russâsi, freâsi, sfreolâsi, sfreâsi

esemplis

"al riduçave, intant che so barbe al faseve di sì cul cjâf, freolantsi cuntune man il pêl grîs e ruspi che i cresseve sui smursiei"

gjavât fûr di "La balene" di Raffaele Serafini

"[...] al sbassà la vôs Corrado freolantsi une cee cul dêt"

gjavât fûr di "La salamandrie tal fûc" di Carlo Tolazzi

freolâsi v.pron.intr.
(fre-o-lâ-si)

Passâ une vore dongje, tocjant in maniere plui o mancul lizere ma continuade

sinonims

russâsi, freâsi, sfreolâsi, sfreâsi

esemplis

"a ce fâ vignîso chenti / freolantsi par chei mûrs? / Se vignîs par cambiâ l'aiar, / jo us consei di stâ indaûr"

gjavât fûr di "A ce fâ vignîso chenti " di Popolâr

"[i fruts] lis cjapin, lis figotin, lis cocolin / e tor di lôr lis bestiis sí freolin"

gjavât fûr di "Dal gno balcon..." di Enrico Fruch

freolâsi v.pron.intr.
(fre-o-lâ-si)

Fâsi un dam di bessôl o un cul altri

sinonims

imbolognâsi, imbroiâsi, inculâsi, ingjambarâsi, freâsi, fotisi

esemplis

"cheste volte si è freolât cu lis sôs mans"

monolengâl