Tu âs cirût la peraule
monolengâl
torne indaûr

monolengâl

frontâ v.tr.
(fron-tâ)
Fâ fuarce, fâ pression su alc, spec. cuntune part dal cuarp
esemplis
"le strissinavin di pês [...] le puartavin a une veture ferme cu lis puartis spalancadis. Jê e frontave i pîts par tiere lassant la ferade su la glerie"
gjavât fûr di "Come tai romançs" di Alan Brusini
"rivât denant de stanzie, al veve frontade cun sigurece la mantie e al jere jentrât"
gjavât fûr di "Aiar di cjase" di Franca Mainardis
frontâ v.tr.
(fron-tâ)
Tacâ a fâ alc che al domande impegn, par fâlu ben, par cirî o cjatâ une soluzion, par rivâ a un risultât e v.i.
sinonims
bordâ, cjapâ, tacâ
esemplis
"nol jere tal so caratar chel di mocâse par no frontâ i siei dovês"
gjavât fûr di "Il muc" di Roberto Ongaro
"il prin probleme di frontâ par no riscjâ di sierâ buteghe dopo un mês, al è chel des risorsis economichis"
gjavât fûr di "Un Friûl difarent: i 90 mhz di Onde Furlane" di Max Mauro
frontâ v.tr.
(fron-tâ)
Impegnâsi intun confront cun cdn.
sinonims
cjapâ a pet
esemplis
"nissun mi à frontât di persone par criticâmi, simpri par daûr"
gjavât fûr di "Interviste a Amato De Monte" di Christian Romanin
torne sù