SuperDizionari

fuartece s.f.
(fuar-te-ce)

Lûc avonde grant, ancje citât interie, furnît di oparis di difese militâr

sinonims

fuart

esemplis

"[Tita Rossi] al era stât cjapitani da guardia nazionâl e par un mês al veva comandat la Fuarteça [di Osôf] prin ca vegnissin i volontaris di dut il Friûl"

gjavât fûr di "La pignatas" di Toni Falescjin

"cuant che trupis intieris no fasin il lôr dovê in una bataia o combatiment, che abandonin lis trincieris, ridots, fuartecis e altris puescj, vilmentri e sença vê fat la ultima resistença, o che si rebelin, vegneran decimadis"

gjavât fûr di "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera " di Antoni Brumat

Viôt ancje: fortece

fuartece s.f.
(fuar-te-ce)

Ambient li che alc, massime un moviment, un pinsîr, une ideologjie, un partît e v.i., al è fuart e condividût (fig.)

esemplis

"Iain Gray, il leader dal Labour Party in Scozie, dopo vê pierdude ancje la “ fuartece laburiste” di Glasgow, si è dimetût"

gjavât fûr di "Un altri pas su la strade de indipendence" di Christian Romanin

fuartece s.f.
(fuar-te-ce)

Energjie spirituâl che e permet di frontâ cun valôr provis dificilis

sinonims

fuarce

esemplis

"i pareve a Matie, stant cun chê sô int, di respirâ dute la onestât, la semplicitât primitive e la religjose fuartece de viere gjernazie furlane"

gjavât fûr di "Sul agâr" di Pieri Menis

fuartece s.f.
(fuar-te-ce)

Element che al covente a dâ plui resistence a une struture o a ogjets, in particolâr a scarpis, vistîts, edificis e v.i.

sinonims

rinfuarç

monolengâl