SuperDizionari

funzionâ v.intr.
(fun-zi-o-nâ)

Di mecanisim, machine, imprest o sim., fâ la sô ativitât, rivâ al so obietîf

sinonimi

cjaminâ, cori, lâ, lavorâ

esempi

"i panei fotovoltaics di vuê a son cetant plui eficients des centrâls termoeletrichis che a funzionin a lens"

da "Energjiis rinovabilis in Friûl-Vignesie Julie: ce che al è disponibil e a cualis cundizions" di Fulvio Stel, Dario Giaiotti

"o ai metût adun une radio a galene intal mio studi. E funzione benon"

da "X-Reihen" di Checo Tam

funzionâ v.intr.
(fun-zi-o-nâ)

Di orghin, struture anatomiche, facoltât fisiche o psichiche e v.i., fâ la sô ativitât funzionâl

sinonimi

lavorâ

esempi

"cirî di capî cemût che a funzionin il cerviel e la psiche umane"

da "Autonomie e democrazie, i numars de Socializazion umane" di Franc Fari, Eric Pascul

funzionâ v.intr.
(fun-zi-o-nâ)

Di ent, aziende e v.i., puartâ indevant il so lavôr

sinonimi

lavorâ, jessi in vore

esempi

"la Scuele mosaiciscj dal Friûl, la plui impuartante a nivel mondiâl. E funzione dal 1922"

da "Mosaic, une art furlane" di Oscar Puntel

funzionâ v.intr.
(fun-zi-o-nâ)

Vê bon efiet, dâ bogns risultâts, lâ indevant ben e v.i.

sinonimi

fâ efiet

esempi

"i messaçs, par funzionâ, a àn di sei curts e capîts di ducj"

da "Comunicâ la autonomie" di Sandri Di Suald

funzionâ v.intr.
(fun-zi-o-nâ)

Celebrâ un rituâl religjôs

esempi

"il capelan di Piluver al jere frecuent a Vençon. A fâ spese,[...], a bevisi il tai, [...], a funzionâ tes sagris e fiestis grandis, che al veve dirit dal tierç"

da "Pre Pitin" di Antoni Beline

monolingue