Tu âs cirût la peraule
monolengâl
torne indaûr

monolengâl

gjambe s.f.
(gjam-be)
Ognidune des dôs parts dal cuarp uman jenfri ombul e pît
esemplis
"al scugnî judâsi al passeman, parcè che lis gjambis i molavin come chês di un cjoc"
gjavât fûr di "Cjase di Dalban" di Maria Forte
"il miedi i à stecheade le gjambe e je à inzessade"
gjavât fûr di "Chei di Muraie" di Pieri Menis
"o voi fûr un moment a disgrisignîmi lis gjambis"
gjavât fûr di "Tal ospedâl" di Amedeo Giacomini
"piçul e svelt, Jacum Gri, cu lis gjambis cavalotis e sutis"
gjavât fûr di "Il vivi al è chel rangjâsi" di Maria Forte
gjambe s.f.
(gjam-be)
Misure aprossimative che e corispuint ae altece di une gjambe
esemplis
"al saltave te nêf fonde une gjambe"
gjavât fûr di "Par stradis lungjis" di Alan Brusini
gjambe s.f.
(gjam-be)
Toc di bregons o cjalcis li che si met dentri la gjambe
sinonims
trombe
esemplis
"cul movilu il sanc al tornà a jessi fûr par une gjambe dai bregons"
gjavât fûr di "Chei di Muraie" di Pieri Menis
gjambe s.f.
(gjam-be)
Toc di alc, soredut di un mobil, che al fâs di poie
esemplis
"un scagnut cun trê gjambis"
"poiâ lis cjadreis su la taule, cu lis gjambis insù, par scovâ par tiere"
gjambe s.f.
(gjam-be)
Rie verticâl, spec. di letaris o notis musicâls
esemplis
"scrivi ben la gjambe dal ele"
gjambe s.f.
(gjam-be)
Struture vegjetâl che e ten sù lis fueis, une rose o une pome o ben struture che e ten sù il cjapiel di un fonc
sinonims
pecol, stoc
esemplis
"pe sagre di Sant Pieri, Zuan al puartave dongje, simpri, lis primis gjambis di sorc cul penac"
gjavât fûr di "La rive di Sant Pieri" di Maria Forte
"un gran di forment che, tornât te tiare, al bute fûr un fros, po une gjambe, po un spi"
gjavât fûr di "Lis predicjis dal muini" di Josef Marchet
gjambe s.f.
(gjam-be)
Mieç par stâ sù o par lâ indevant (fig.)
esemplis
"al è il prin modon dal progjet par dâi plui gjambis ae imprese economiche"
gjavât fûr di "Un Friûl difarent: i 90 mhz di Onde Furlane" di Max Mauro
detulis
"a cui che al file ben, rompii lis gjambis; a cui che al file mâl, rompii i braçs"
"a fâ il pas plui lunc de gjambe, si romp il cavalot"
"a vuelin trê robis par salvâsi: bon voli, buine gjambe e puarte vierte"
"bisugne fâ il pas seont la gjambe"
"ce che no si à in cûr, si à in gjambis"
"cui che nol à cjâf al à gjambe"
"dulà che il cûr al tire lis gjambis a puartin"
"dulà che no si dopre il cjâf ur tocje a lis gjambis"
"gjambe cervine, pote asinine"
"il vin i da fuarce a la lenghe e ur e cjol a lis gjambis"
"la bausie e à lis gjambis curtis"
"la gjambe dal poleç e la ale dal cjapon"
"lis gjambis a puartin là che il cûr al tire"
"par salvâsi a vuelin trê robis: bon voli, buine gjambe e puarte vierte"
"polente e formadi a mieze gjambe"
torne sù