SuperDizionari

gnervôs adi.
(gner-vôs)

Dai gnerfs, formât di gnerfs, che al à a ce fâ cui gnerfs, cu lis celulis dal cuarp che a trasmetin sensazions e comants

esemplis

"lis struturis gnervosis dal lengaç a son localizadis su la superficie laterâl de scuarce dal cerviel"

gjavât fûr di "Speculazions su la origjin dal lengaç" di Giacomo Rizzolatti, Laila Craighero

Viôt ancje: gnarvôs, nervôs

gnervôs adi., s.m.
(gner-vôs)

Che, cui che nol è calm

sinonims

ansiôs, aprensîf, irecuiet, preocupât, sbarlufît, stranît, tirât, gnervin, agjitât, iritabil, malcuiet, spasimât, spirtât

esemplis

""[...] ma ce gnervôs che tu sês vuê, ce isal sucedût?""

gjavât fûr di "Barbane" di Pieri Somede dai Marcs

"un trot di cjavai gnervous"

gjavât fûr di "Li samassi" di Novella Cantarutti

gnervôs s.m.
(gner-vôs)

Umôr o sensazion di mancjance di calme

sinonims

ansie, ansietât, ecitazion, incuietudin, tension, gnervosetât, gnervosisim, gnervin, fastidiôs, sustul, urtôs, irecuietece, malcuietece, sbisiament, sbisie, smanie

esemplis

"a lui, Dalban, i veve cjapât il gnervôs. Ma Fidrì aromai nol taseve"

gjavât fûr di "Cjase di Dalban" di Maria Forte

"Gusto al scugnì sentâsi, di tant che i tremavin i zenoi pal gnervôs"

gjavât fûr di "Il muc" di Roberto Ongaro

"trê plans di scjalis al à fat, par fâsi passâ il gnervôs"

gjavât fûr di "Il progrès" di Ivano Urli

gnervôs adi.
(gner-vôs)

Che si môf o che al reagjìs ben svelt

sinonims

energjic, rapit, saltarin, svelt

esemplis

"al amirave chel sbati e tornâ a sbati des piecis blancjis su la piere dal lavadôr e chês mans sutis e gnervosis che a tuarzevin, a insavonavin, a striçavin cun maestrie"

gjavât fûr di "Cretevierte" di Roberto Ongaro

gnervôs adi.
(gner-vôs)

Di espression o di stîl creatîf, fat di formis curtis e di cambis imburîts (fig.)

esemplis

"cheste ancone e chê di Zui a son doi moments une vore impuartants te art di Domeni [di Tumieç], grafiche e gnervose chê di Sant Pieri, e maestose e essenziâl chê di For Disore"

gjavât fûr di "Storie de art in Friûl" di Bepi Agostinis

gnervôs adi.
(gner-vôs)

Dal cuarp o di une sô part, che si presente sut e al mostre lis fibris muscolârs

sinonims

gnervin

esemplis

"Line e cresseve ben: une misture di soreli dal misdì e buere di tramontan. Gnervose tant che un cuargnolâr, tuartelice tant che un venc"

gjavât fûr di "Cretevierte" di Roberto Ongaro

gnervôs adi.
(gner-vôs)

Di cualsisei fenomen o agjent, che al à une ande incostante, cun cambis imburîts (fig.)

sinonims

balarin, instabil

monolengâl