Tu âs cirût la peraule
monolengâl
torne indaûr

monolengâl

golâr s.m.
(go-lâr)
Part di vistît, spec. di capot, gjachete o cjamese, che al zire tor dal cuel
esemplis
"al crevave une rose e le impirave te asule dal golâr par tignîsi plui dongje dut il dì il so nasebon"
gjavât fûr di "Cjase di Dalban" di Maria Forte
"un capot cul golâr di peil"
gjavât fûr di "I cjans di not" di Novella Cantarutti
"al ploveve ancje in chê dì: la prime ploie di Atom. E lui cence ombrene e cence nie, cul golâr de gjachete tirât sù su la cope"
gjavât fûr di "La aghe da pît la cleve" di Dino Virgili
golâr s.m.
(go-lâr)
Ornament che si met tor dal cuel
esemplis
"i decrets di promozion, la crôs di cavalîr e il golâr di comendatôr"
gjavât fûr di "Il tesaur di done Cheche" di Pieri Menis
golâr s.m.
(go-lâr)
Striche di corean o di altri materiâl che si met tor dal cuel di un animâl, par menâlu cul sguinçâl, par tacâ une medaiute cul non e v.i.
esemplis
"dut ator grintis duris di mucs e il vuacâ dai cjans tignûts pal golâr, dai graduâts"
gjavât fûr di "Cinc malintopâts" di Maria Forte
"o slungji la man bande il golâr e lu sint a rugnâ. Planc a planc i moli il golâr e o fâs un pas indaûr. Il Lôf mi cjale. Grues. Neri"
gjavât fûr di "Delit in vie del Lavoro" di Igor Londero
golâr s.m.
(go-lâr)
[TS] (agr.) Buse par butâ jù il fen dal toglât te stale che e je sot
sinonims
trabuc, trombe
esemplis
"Lise contente a puartave la gjaline sot il golâr dal fen, curantle tant che un cristian"
gjavât fûr di "Lise" di Amelia Artico
detulis
"cuant che no 'nd è sul stali, no si po butâ jù pal golâr"
torne sù