SuperDizionari

gorne s.f.
(gor-ne)

Condote semicilindriche, in gjenar di metal, che e cjape la aghe ploiane di un cuviert e le mene jù par un canon verticâl par che no stricei

esemplis

"al sglavinave a selis cun saetis osteosis par dutis lis bandis e brusate che cinglinave sui veris e tes gornis"

gjavât fûr di "Il malât di Cime Undis" di Alan Brusini

"sot la ploie che cjante pes gornis sence fin"

gjavât fûr di "Mi plâs la lontanance e il no rivâ..." di Ercole Carletti

"la Primevere e torne / [...] / [...] / [...] / clame la cisilute sot la gorne"

gjavât fûr di "Antigaiis" di Enrico Fruch

gorne s.f.
(gor-ne)

[BF] Part largje e un pôc ingjavade dal cjapiel

sinonims

ale

esemplis

"duta una ploa [di pulcris] da implenâ li sacheti, la cjamesa, la gorna dal cjapelat"

gjavât fûr di ""Inemorato io son di te"" di Novella Cantarutti

gorne s.f.
(gor-ne)

Cuel di cui che al bêf o persone che e bêf une vore (fig.)

sinonims

plere, seglâr

esemplis

"cun chês gornis, il caratel al fo disvuedât intun moment e ognidun si invià pai siei fats"

gjavât fûr di "La gjaline robade" di Pieri Menis

"ta la ostarie a bevi e bevi, gornate, pacjoc, simpri madûr"

gjavât fûr di "Vigji dal çoc" di Garibaldi

monolengâl