SuperDizionari

ideâl adi., s.m.
(i-de-âl)

Che al dipent o al è concepît dal pinsîr, o che al parten al mont des ideis

sinonims

astrat, imagjinari, teoric

esemplis

"a costituirin lis lôr teoriis di resonament, che inte lôr proiezion ideâl a vevin di sei consistentis, completis"

gjavât fûr di "Viaç aes origjins dal Logos" di Adrian Cescje

"[il Teatri de memorie] al jere la realizazion concrete di un di chei ambients ideâi che la mnemotecniche classiche ur racomandave ai oratôrs"

gjavât fûr di "Il brevet" di Mario Turello

ideâl adi.
(i-de-âl)

Che si fonde suntune concezion filosofiche, politiche, culturâl e v.i. o che al cîr di metile in vore

esemplis

"un passût, e un massepassût ancjemò mancul, nol movarà un dêt par une bataie ideâl e spirtuâl"

gjavât fûr di "Une libertât vuadagnade" di Antoni Beline

ideâl adi.
(i-de-âl)

Che i rispuint a un model teoric di perfezion assolude o ancje che al corispuint in maniere perfete a dibisugnis concretis (ancje iperb.)

sinonims

just, perfet

esemplis

"Vile Manin di Passarian al è il puest ideâl par une Academie di Bielis arts"

gjavât fûr di "Une academie pe Patrie" di Luche Nazzi

ideâl s.m.
(i-de-âl)

Concet astrat produsût dal pinsîr

sinonims

idee, concet, pinsîr, concezion

esemplis

"par me par esempli Diu al è un pinsîr, un ideâl perfet che a mi ven dal pensâ su lis cjossis imperfetis che a stan dentri e intor di me"

gjavât fûr di "Vieri e gnûf" di Pieri Piçul

ideâl s.m.
(i-de-âl)

Model perfet

esemplis

"un spieli di poesie cuilibrade e serie, espression dal ideâl classicistic di "gravitas, ars, decus""

gjavât fûr di "La Mitteleurope di Pellis" di Ana Piorar

ideâl s.m.
(i-de-âl)

Dome sing., la robe miôr, la soluzion plui oportune o plui desiderabile

sinonims

massim, miôr, optimum, robe miôr

esemplis

"par un guviar al sarès chest l'ideâl: un sôl cjâf, un sôl pinsîr, un sôl comant, une sole leç buine par ducj, une sole ubidience, une sole esigjence, une sole dibisugne, une sole malatie e une sole medisine"

gjavât fûr di "Personis e pipins" di Josef Marchet

ideâl s.m.
(i-de-âl)

Complès di i valôrs e lis ideis che a ispirin une persone o che a sostegnin un moviment culturâl, politic, sociâl e v.i.

sinonims

brame, cause, insium, sium, valôr

esemplis

"i partîts politics talians, come che a son implantâts vuê, no puedin condividi chest ideâl [autonomist] "

gjavât fûr di "A chei che no àn ancjemò capît" di Josef Marchet

""No si dismet une raze di int che e à une tradizion daûr di se e un ideâl devantsi!""

gjavât fûr di "La aghe da pît la cleve" di Dino Virgili

monolengâl