SuperDizionari

imberdeâ v.tr.
(im-ber-de-â)

Fâ che alc al formi grops o che al sedi fat sù in maniere complicade

sinonimi

ingropâ, intorcolâ, intorteâ, ingredeâ, gredeâ, involuçâ, imbroiâ

esempi

"fâ sù ben il fîl di mût di no imberdeâlu"

Vedi anche: imbredeâ, imbardeâ

imberdeâ v.tr.
(im-ber-de-â)

Stratignî impedint i moviments

sinonimi

imbarbaiâ, imbroiâ, ingjambarâ, ingropâ, leâ, peâ, intrigâ, ingredeâ

esempi

"il vistît ju imberdee tal cjaminâ"

da "I forescj" di Alan Brusini, Gian Paolo Linda

imberdeâ v.tr.
(im-ber-de-â)

Fâ deventâ plui complicât, plui disordenât, plui dificil (fig.)

sinonimi

berdeâ, complicâ, confusionâ, ingredeâ, ingropâ, incrosâ, gredeâ, imbroiâ

esempi

"magari cussì no, a àn nomenât un tierç pape, Alessandri V, imberdeant ancjemò di plui l'afâr"

da "Patriarcjis fûr dal ordenari" di Diego Navarria

imberdeâ v.tr.
(im-ber-de-â)

Ostacolâ cun problemis, dificoltâts (fig.)

sinonimi

gredeâ, impastoreâ, imbroiâ, ingredeâ, berdeâ, ingjambarâ

esempi

"i nazionaliscj di ogni colôr a cirin di imberdeâ lis nestris plui resonadis e masse misuradis aspirazions autonomistichis"

da "Blestemis" di Josef Marchet

imberdeâ v.tr.
(im-ber-de-â)

Cjapâ dentri in situazions, soredut negativis, di dulà che al è dificil saltâ fûr (fig.)

sinonimi

impeolâ, impetolâ, impastoreâ, ingredeâ, gredeâ, incjastrâ

esempi

"nol è che Cavedalis nol si inacuarzès di ducj i messedaments de politiche o che nol fos atent di no fâsi imberdeâ tai laçs des corints e dai moviments"

da "Zuan Batiste Cavedalis - Une vite esemplâr" di Giovanni Pillinini

imberdeâ v.tr.
(im-ber-de-â)

Dâ un turbament, une emozion che e lasse impreparâts (fig.)

sinonimi

conturbâ, turbâ, imbaraçâ

esempi

"al sintive intor di se il voli dal cont e il fat lu imberdeave"

da "Îr e doman" di Gianni Gregoricchio

monolingue