SuperDizionari

impeolâsi v.pron.intr., v.pron.tr.
(im-pe-o-lâ-si)

Sporcjâsi di pês o di alc di tacadiç

impeolâsi v.pron.intr.
(im-pe-o-lâ-si)

Tacâsi, restâ tacât intor di alc o di cdn. (ancje fig.)

esemplis

"i tiei malandrets dí siums... ancje la tô stramalandrete vôs te gnot. E ben, dut dentri. Mi si è impeolât intor e no rivi a deliberâmi"

gjavât fûr di "In chê gnot lusôr di lune" di Gianni Gregoricchio

impeolâsi v.pron.intr.
(im-pe-o-lâ-si)

Finî intune situazion intrigose, fastidiose, dificile di saltâ fûr (fig.)

sinonims

impetolâsi, inviscjâsi, imberdeâsi, imbroiâsi, ingredeâsi

esemplis

"O alci lis spalis e o tiri a dilunc cence impeolâmi tun tabaiâ che no mi impuarte"

gjavât fûr di "I forescj" di Alan Brusini, Gian Paolo Linda

"al è un tramai di cristian, saio jo se plui stupit o plui carogne… che za timp al si jere impeolât intun pastiç dal diaul"

gjavât fûr di "Lis predicjis dal muini" di Josef Marchet

impeolâsi v.pron.
(im-pe-o-lâ-si)

Interessâsi e vê a ce fâ cun alc o cun cdn. (spres.)

sinonims

intrigâsi, impaçâsi, meti il nâs, vê da fâ, vê a ce fâ

esemplis

"al jere di impinion che cui afâs de glesie a vessin vût di impeolâsi - come che al diseve lui - dome lis feminis e i vedrans"

gjavât fûr di "Chel moscjo di gno nono!" di Alviero Negro

monolengâl