SuperDizionari

impression s.f.
(im-pre-ssi-on / im-pre-ssion)

Il fat di imprimi e il so risultât

esemplis

"un vâs di arzile decorât a impression"

impression s.f.
(im-pre-ssi-on / im-pre-ssion)

[TS] (edit.) La operazion dal stampâ, la edizion, la stampe

impression s.f.
(im-pre-ssi-on / im-pre-ssion)

Sensazion psicologjiche (fig.)

sinonims

efiet

esemplis

"il paîs plui alt de val [...] cussì alt che tu âs la impression di jessi di bessôl dal dut e che ti fâs bramâ che al rivi cualchidun, che al sucedi alc"

gjavât fûr di "Ricuarts e inlusions" di Enrico Martina

"chest gjornâl al veve metût fûr un concors fra i soldâts, che a podevin scrivi lis lôr impressions di vuere"

gjavât fûr di "Cemût che o soi restât caporâl" di Pieri Menis

impression s.f.
(im-pre-ssi-on / im-pre-ssion)

Concezion che si pues pensâ, ancje se no si pues poiâ cun provis siguris

sinonims

idee, opinion

esemplis

"si à la impression che, cun chescj atacs, lis comunitâts rurâls furlanis a vessin chê di mostrâ ai cjastelans che a jerin buinis di difindi ancje cu la fuarce chei “dirits antîcs” che la nobiltât e cirive di usurpâ"

gjavât fûr di "Il Friûl de Joibe Grasse dal 1511" di Carli Pup

impression s.f.
(im-pre-ssi-on / im-pre-ssion)

Sensazion che e scosse la anime, che le lasse conturbade

sinonims

turbament, conturbi

esemplis

"Ce frêt. Ce umit. Ce impression tal simiteri. Jo o soi une vore sensibil"

gjavât fûr di "Sic transit gloria mundi" di Checo Tam

monolengâl