SuperDizionari

monolengâl

inamorât adi., s.m.
(in-a-mo-rât)

Che, cui che al à un sintiment di amôr e passion par cdn.

esemplis

"o jeri inamorât di jê. O jeri un om di plui di cuarant’agns, che no si jere mai sposât, e Marianne e jere une zovine di une bielece straordenarie"

gjavât fûr di "Sui spirts" di Andrea Stocco

"«No sâstu che gno barbe al jere inamorât in jê e che al voleve maridâle, za agn?»"

gjavât fûr di "Il dolfin" di Carlo Sgorlon

"un inamorât si vise di ducj i particolârs e al sint ancjemò il sgrisul de prime strente e de prime bussade"

gjavât fûr di "Sant Jacum, là che al finìs il mont" di Antoni Beline

inamorât s.m.
(in-a-mo-rât)

Cui che al à une relazion sentimentâl cun cdn. altri, massime tai prins timps cuant che la passion e je gnove

sinonims

morôs

esemplis

"l'inamorât i mande une rose e une bussade"

gjavât fûr di "Faliscjis" di Cristina Noacco

inamorât adi., s.m.
(in-a-mo-rât)

Che, cui che al à une grande passion o un grant afiet par alc

esemplis

"int gnove e je rivade e tancj di lôr a son restâts culì inamorâts de tiere e de int"

gjavât fûr di "Cuintristorie dal taramot" di Igor Londero

"no son pôcs i amîs de Furlanie, i siei inamorâts, i siei fedêi"

gjavât fûr di "Legnadis e pidadis" di Josef Marchet

"un stramp di frut o jeri / inamorât piardût de poesie"

gjavât fûr di "Sul puint di Premariâs" di Enrico Fruch

inamorât adi.
(in-a-mo-rât)

Plen di amôr, che al è espression o risultât di amôr, afiet, passion e v.i.

sinonims

cuet, imberlît, imbertonât, impassionât, infogonât

esemplis

"Giuseppe Zigaina [...], de vision inamorade de planure che e cor jù fin ae lagune, e des storiis che le àn animade, al è rivât adore a creâ un paisaç gnûf, «tra enigme e profezie», jevant la sô art a valôr universâl"

gjavât fûr di "Falcets e bicicletis, tocs de storie furlane" di Erika Adami

detulis

"cui che al à cjalt al è malât, cui che al à frêt al è inamorât"

"di gnot a zirin i laris e i inamorâts"

"la lune ur fâs lusôr ai laris e ai inamorâts"

torne sù