SuperDizionari

incuintri s.m.
(in-cuin-tri)

Il cjatâ, il cjatâsi di dôs o di plui personis, o ancje elements o robis, spec. casuâl

sinonims

cjatade, intop, scuintri

esemplis

"il pinsîr di Otti mi tormentave [...] O pensavi al prin incuintri cun jê, cuant che o crodevi che al fos ancje l'ultin"

gjavât fûr di "I forescj" di Alan Brusini, Gian Paolo Linda

"cuant che si passave parentri, sot de muraie voluçade di elare scure, sì e no che si olsave trai il voli di chê bande, che guai di no fâ cualchi brut incuintri"

gjavât fûr di "Il gjatat neri dai Fers" di Josef Cjargnel

Viôt ancje: incuintre, incuntre, incuntri, incontre, incontro

incuintri s.m.
(in-cuin-tri)

Riunion di plui personis, ancje organizade, cuntun fin precîs

sinonims

colocui, cunvigne, riunion

esemplis

"o vevi fevelât cul deputât dal Pci Arnalt Baracêt, che al menave la cause de tutele des minorancis linguistichis, par che nus cumbinàs un incuintri cu la Jotti"

gjavât fûr di "Memoriis di politiche linguistiche" di Adrian Cescje

" une fieste di culture, cun musiche, teatri, incuintris e dibatits"

gjavât fûr di "Un Friûl difarent: i 90 mhz di Onde Furlane" di Max Mauro

incuintri s.m.
(in-cuin-tri)

Confront sportîf o in ogni câs competitîf

sinonims

competizion, gare, scuintri

esemplis

"inte ultime part dal incuintri il Verona si impegne ancjemò di plui a tignî la bale lontan de aree di rigôr e l’Udin al rive a tirâ in puarte dome une volte"

gjavât fûr di "Verona – Udinese 1-0" di Marc Stolf

incuintri s.m.
(in-cuin-tri)

Ocasion par intiessi rapuarts, mût di jessi in buinis relazions

esemplis

"siore Lise e veve simpri cirût incuintris cu la int, parcè che e diseve: “No si pues mai sei tant bogns che ducj nus mangji, ma nancje tant triscj che ducj nus lassi”"

gjavât fûr di "Cjase di Dalban" di Maria Forte

incuintri s.m.
(in-cuin-tri)

[BF] Ocasion, coincidence

esemplis

"se mi ven l'incuintri o disarai ben ce che o pensi"

incuintri s.m.
(in-cuin-tri)

Fat che al capite

esemplis

"[i mucs che a ocupavin la cjase] a vevin fracassât e brusât cence dûl. Ma lôr [tornadis dopo finide la vuere] no volevin avilîsi par chel brut incuintri"

gjavât fûr di "Cjase di Dalban" di Maria Forte

incuintri s.m.
(in-cuin-tri)

Favôr, agradiment,

sinonims

agradiment, consens, esit, favôr, laut, rispueste, risultât

monolengâl