SuperDizionari

inferiôr adi.
(in-fe-ri-ôr)

Che al è plui in bas, che al sta sot

esemplis

"chestis dôs ultimis struturis [cerebrâls] a fasin part dal lobi parietâl inferiôr"

gjavât fûr di "Speculazions su la origjin dal lengaç" di Giacomo Rizzolatti, Laila Craighero

inferiôr adi.
(in-fe-ri-ôr)

Plui bas par altece, grandece, durade, cuantitât, intensitât, impuartance, jerarchie, valôr e v.i.

sinonims

minôr

esemplis

"soluzions alternativis e cuntun impat ambientâl inferiôr"

gjavât fûr di "La dibisugne di une gnove educazion ambientâl" di Sandri Olivetto

"films di finzion di une durade inferiôr ai 20' "

gjavât fûr di "Mostre dal Cine Furlan: bant de IX edizion" di Fabian Ros

"la Serenissime e à simpri doprade la politiche di tratâ i furlans tant che une sdrume di puare int di raze inferiôr"

gjavât fûr di "Sudizion, la pecje dai furlans" di Josef Marchet

inferiôr adi.
(in-fe-ri-ôr)

[TS] (gjeogr.) De part di un flum che al è plui dongje de fôs

sinonims

bas

inferiôr adi.
(in-fe-ri-ôr)

[TS] (scol.) Di cors di scuele, che al è pai arlêfs plui zovins

esemplis

"Toni Dugon l'à scomençât a fâ la prime inferiôr, sot il mestri Maurich"

gjavât fûr di "Trê Rafaei in jerbe" di Giovanni Gortani

"progjets pensâts pes scuelis mediis inferiôrs e superiôrs"

gjavât fûr di "Arlef: si siere un cicli" di Federica Angeli

inferiôr adi.
(in-fe-ri-ôr)

[TS] (stor.) Te Rome antighe, di part teritori o di provincie, plui lontane di Rome

inferiôr adi.
(in-fe-ri-ôr)

[TS] (gjeol.) Di une ete o di un strât, che al corispuint a un periodi plui antîc

esemplis

"chescj calcârs a rivin a vê un spessôr di plui o mancul 50 m te Lovinçole e a son de part superiôr dal Jurassic inferiôr e de base dal Jurassic medi"

gjavât fûr di "Gjeologjie e paleontologjie ator di Preon" di Francesco Gobbo

monolengâl