SuperDizionari

inficje s.f.
(in-fi-cje)

Complès des carateristichis esteriôrs

sinonims

aspiet, aparence, figure

esemplis

"ce gjernazie di int, che no à plui nancje la inficje di uman!"

gjavât fûr di "Lis predicjis dal muini" di Josef Marchet

"lis cjasis, l'ort, i lens parmìs a cjapavin une inficje salvadie di pôre"

gjavât fûr di "La aghe da pît la cleve" di Dino Virgili

"la nêf e cambie la inficje dal mont"

gjavât fûr di "L'avôt" di Maria Forte

inficje s.f.
(in-fi-cje)

Persone o robe che e dâ une cierte impression, che e ricuarde o che e rapresente alc o cdn.

sinonims

copie, ritrat, rapresentazion, figure

esemplis

"la figure de mari colpide tal amôr plui cjâr, la inficje dal dolôr, dal sconfuart, dal abandon, la frutate le veve viodude in 'Sine"

gjavât fûr di "Il muc" di Roberto Ongaro

inficje s.f.
(in-fi-cje)

In espressions negativis, nuie o nissun

sinonims

piture, fotografie

esemplis

"la comission antimafie che e à lavorât dì e gnot par passe dîs agns, che e à cirût e spulzinât cuasi par ogni cjanton, no à cjatât nancje la inficje di un mafiôs"

gjavât fûr di "I furlans e la mafie" di Riedo Pup

"nol viodè nuie; di gornis nancje inficje; in fat, a plomp de striceade, par tiere, si podeve viodi dute une fasse di gravin blanc"

gjavât fûr di "Il muc" di Roberto Ongaro

monolengâl