SuperDizionari

informazion s.f.
(in-for-ma-zi-on)

Il fâ savê o il vignî a savê ce che al sucêt

esemplis

"garantî une informazion indipendente"

gjavât fûr di "Un Friûl difarent: i 90 mhz di Onde Furlane" di Max Mauro

informazion s.f.
(in-for-ma-zi-on)

Element o dât che al permet di savê alc

sinonims

indicazion

esemplis

"des informazions ricevudis al fo subit clâr che l'atac principâl al sarès stât puartât cuintri il fuart di Marghera"

gjavât fûr di "Zuan Batiste Cavedalis - Une vite esemplâr" di Giovanni Pillinini

"su la schede dal document si cjatin informazions su la datazion, sul autôr, sul ent produtôr e conservadôr"

gjavât fûr di "Documents de Ete di Mieç pal studi dal furlan antîc" di Federico Vicario

"e je une schirie di informazions che si ingrume di continui te mê ment, si ingruesse simpri plui "

gjavât fûr di "La maree nere" di Checo Tam

informazion s.f.
(in-for-ma-zi-on)

Setôr dai servizis che al cjape dentri la comunicazion di masse

esemplis

"la situazion de informazion in chel moment e jere disastrose - al dîs Giorgio Cavallo, [...] -, al è par chest che si sintive la dibisugne di un mieç di comunicazion viert e atent ae cuistion nazionâl furlane"

gjavât fûr di "Un Friûl difarent: i 90 mhz di Onde Furlane" di Max Mauro

informazion s.f.
(in-for-ma-zi-on)

[TS] (inform.) Dât o complès di dâts codificâts e metûts intun sisteme informatic

informazion s.f.
(in-for-ma-zi-on)

[TS] (med.) Segnâl passât des celulis gnervosis

esemplis

"lis celulis de glie [...] a tegnin sù i neurons, a facilitin la trasmission des informazions eletrichis"

gjavât fûr di "La evoluzion dal cerviel e de cussience tai vertebrâts" di Franc Fari

monolengâl