Hai cercato la parola
monolingue
Torna indietro

monolingue

ingropâsi v.pron.tr.
(in-gro-pâ-si)
Leâ alc cun grops intor di se, par se o cun reciprocitât
esempi
"e tirà fûr un façolet neri e sal ingropà daûr la cope"
da "La aghe da pît la cleve" di Dino Virgili
ingropâsi v.pron.intr., v.pron.tr.
(in-gro-pâ-si)
Strenzisi intor di se stes o di alc cun grops, leams o gredeis
sinonimi
leâsi, imberdeâsi, ingredeâsi, berdeâsi, gredeâsi
esempi
"ocjo che no si ingropi il fîl"
ingropâsi v.pron.intr.
(in-gro-pâ-si)
Dâsi dongje e fermâsi strent, sedi di alc di materiâl che di imateriâl
esempi
"la aghe e pâr verde e no si inacuarzaressisi che e corès se no fos la sbrume blancje che si ingrope des bandis"
da "Lis aganis di Borgnan" di Catarine Percude
"al scomençave chel malstâ pericolôs, chel ingropâsi di pôris, che al varès puartât i talians a fâsi mâl un cul altri"
da "Cjase di Dalban" di Maria Forte
ingropâsi v.pron.intr.
(in-gro-pâ-si)
Di nûi, brut timp o sim., infissîsi e deventâ menaçôs (ancje fig.)
sinonimi
inmaneâsi
esempi
"insume ducj [i nûi] deventin spaventôs, / neris neris, luncs luncs, pelôs pelôs. / Ponent cuntun sivîl / ju sfolmene pal cîl, / e co ben son lâts sù, / e scugnin tornâ jù / si ingropìn a la fin: / sucêt il montafin"
da "Un temporâl" di Pieri Çorut
"buine sere, cjase scure, / cjase scure in mieç dai cjamps, / e jo spieti te criùre / che ti iluminin i lamps. / Batin undis, batin dodis, / il burlaç si ingrope in cîl"
da "Buine sere, cjase scure" di Bindo Chiurlo
"e siei fradis ce vevino fat cuant che chel temporâl si ingropave sul cîl de lôr cjase?"
da "Chei di Muraie" di Pieri Menis
ingropâsi v.pron.intr.
(in-gro-pâ-si)
Di plui elements, cjatâsi e dâsi adun insiemi
esempi
"fasint fenta di nuia, i soi lât a Sant Florean / e la voia a si ingropava cul rancôr / a jodila maridâsi cuntun âti"
da "Un picjât" di Giorgio Ferigo
ingropâsi v.pron.intr.
(in-gro-pâ-si)
Indurîsi intune contrazion
sinonimi
imbrucjîsi
esempi
"i muscui dai braçs mi dulivin di ingropâsi"
da "La gjate" di Pieri Menis
ingropâsi v.pron.intr.
(in-gro-pâ-si)
Deventâ complicât, dificil di frontâ (fig.)
sinonimi
complicâsi, imbroiâsi, incrosâsi, imberdeâsi, ingredeâsi, berdeâsi, gredeâsi
esempi
"si consumave intant la storie de Aidlcm, che si ingropave intor des pretesis dai venits e piemontês di fâ comparî lis lôr fevelis lenghis di minorance"
da "Memoriis di politiche linguistiche" di Adrian Cescje
ingropâsi v.pron.intr.
(in-gro-pâ-si)
Jessi cjapât de emozion e no rivâ a fâ o a dî lis robis cun facilitât, ancje tacant a vaî (fig.)
sinonimi
imberdeâsi, impapinâsi, ingredeâsi
esempi
"«[...] I ai simpri olût ben a chê tiere, jo…» Il vecjo, scuasit che si ingropave, ma al oleve parâ indaûr chel stupit moto dal cûr"
da "La tiere di Lansing" di Maria Forte
"Fatime e veve i voi plens di lagrimis, e Eve si ingropà"
da "Ombris tal infinît" di Carlo Sgorlon
Torna in Cima