Tu âs cirût la peraule
monolengâl
torne indaûr

monolengâl

injù av., adi.inv.
(in-jù)
Viers il bas
esemplis
"une grande flame cidine, blancje, cence lusignis, si slungjave sù pe bocje nere de nape che e someave une grande scudiele voltade injù"
gjavât fûr di "Il pignarûl" di Pieri Menis
"La Basse si tirà il façolet plui injù sul cerneli, ma dopo lu tornà a tirâ insù cuntune lusigne di idee tai voi"
gjavât fûr di "Il cjaruç dai Bas" di Dino Virgili
injù av., adi.inv.
(in-jù)
A nivel bas
esemplis
"la storie e insegne che un popul, cuant che al è rivât a chest pont e che plui injù di cussì nol po lâ, o che al mûr o che al jeve sù"
gjavât fûr di "Sul ultin scjalin" di Josef Marchet
injù av.
(in-jù)
Distant, di une cierte bande, ancje in maniere gjeneriche cence un sens che al sedi viers il bas, viers Sud o sim.
sinonims
inlà, indevant, indenant, insù, dilunc
esemplis
"o cjapi vie "del Lavoro" e o passi dret denant de CAMIN. O voi plui injù, dulà che une stradute di braide e fâs il zîr par daûr"
gjavât fûr di "Delit in vie del Lavoro" di Igor Londero
detulis
"al tocje di lassâ lâ la aghe injù e il fum insù"
"bisugne lassâ lâ la aghe injù e il fum insù"
"dai cops injù tu sâs ancje tu, dai cops insù dome il Signôr"
"injù ogni sant jude; insù nissun no si impace"
"la aghe e va injù, il fum insù e la fortune par traviers"
"lasse che il fum al ledi insù e la aghe injù"
"lasse lâ la aghe injù e il fum insù"
torne sù