SuperDizionari

monolengâl

inocent adi., s.m.
(in-o-cent)

Che, cui che nol à colpe

esemplis

""Cemût podarano condanâlu se al è inocent?""

gjavât fûr di "Vieri e gnûf" di Pieri Piçul

"i dodis sotans che a vevin cjapâts e mandâts sot procès par cheste istesse reson, a son stâts ricognossûts inocents e molâts"

gjavât fûr di "Int di masnade" di Alviero Negro

Viôt ancje: nocent

inocent adi., s.m.
(in-o-cent)

Che, cui che nol à malizie o che nol à o nol mostre esperience de malizie o, daûr di une prospetive religjose cristiane, che nol à pecjât

sinonims

cjandit, pûr

esemplis

"une creature inocente e nancje buine di fâ mâl a une moscje"

gjavât fûr di "I purcjinei" di Arturo Feruglio

"voi ancjemò inocents dal mont, spalancâts su un dolôr scognossût. Un cjalâ spaurît come di nemalut cjapât te rêt"

gjavât fûr di "La tiere di Lansing" di Maria Forte

"il pape [….] le considerave [la furlane] un bal inocent a confront dal scandalôs tango che al rivave de Argjentine"

gjavât fûr di "Friûl e furlans te Histoire de ma vie di Giacomo Casanova" di Pierluigi Visintin

inocent s.m.
(in-o-cent)

Tal pl., ancje cun iniz. maiusc., i fruts che daûr dal Vanzeli a son stâts fats sassinâ di Erode, che al voleve copâ Jesù a pene nassût

esemplis

"ai 28 di Dicembar e je la fieste dai Sants Inocents"

"in chest timp [Mirko Basaldella] al à fat tantis oparis: Narcîs, Novele, Lis Chimeris, Clefta, Il maçalizi dai inocents, Il pescjadôr, Fantat cul pes"

gjavât fûr di "Storie de art in Friûl" di Bepi Agostinis

detulis

"che al pai l'inocent pal pecjadôr"

"spes l'inocent al patìs pal pecjadôr"

torne sù