SuperDizionari

intosseâ v.tr.
(in-to-sse-â)

Contaminâ cun velens o sostancis che a fasin mâl ae salût

sinonims

velenâ, tosseâ

esemplis

"[il drâc] cul so flât impestât al intosseave la font a talmentri, che cui cu sedi, nemâl o cristian che al intivàs a bevint, al colave sec incandît cence vite"

gjavât fûr di "Il dragat dal Fontanon" di Josef Cjargnel

intosseâ v.tr.
(in-to-sse-â)

Fâ deventâ plui grâf, plui dûr (fig.)

sinonims

ruvinâ, vuastâ

esemplis

"dutis chestis vicendis a intossearin i ultins agns di vite di un om che al veve simpri fat il so dovê"

gjavât fûr di "Zuan Batiste Cavedalis - Une vite esemplâr" di Giovanni Pillinini

intosseâ v.tr.
(in-to-sse-â)

Jemplâ di un brut odôr o ancje di un brut savôr (fig.)

sinonims

impestâ

esemplis

"une bugade di puçolence che e intossee dut il mandament"

gjavât fûr di "Lis predicjis dal muini" di Josef Marchet

"si sintive pardut un odôr di musar e di pissin di cjan che al intosseave"

gjavât fûr di "Un testament" di Pieri Somede dai Marcs

intosseâ v.tr.
(in-to-sse-â)

Jemplâ di rabie, di gnervôs, di esasperazion

esemplis

"Zuan nol doprà peraulis ruspiis cun lôr. Lis lôr mancjancis, aromai, lu indoloravin sì, ma cence plui intosseâlu"

gjavât fûr di "La tiere di Lansing" di Maria Forte

monolengâl