Tu âs cirût la peraule
monolengâl
torne indaûr

monolengâl

intîr adi.
(in-tîr)
Complet rispiet a estension, cuantitât, grandece, durade, intensitât e v.i.. (ancje fig.)
sinonims
complet, plen
esemplis
"zuiâ lis zornadis interiis sul cjast, co fûr al ploveve"
gjavât fûr di "Come tai romançs" di Alan Brusini
"il mont intîr al jere daûr a cambiâ"
gjavât fûr di "Faliscjis" di Cristina Noacco
"Il manuscrit cjatât a Dux al à 8 libris intîrs e un lassât a mieç"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
Viôt ancje: intêr, intiar, intrê
intîr adi., s.m.
(in-tîr)
Cun presit complet, cence riduzions
esemplis
"la esposizion [...] e sarà vierte al public in cjistiel [...] di martars a domenie da lis 10 e mieze di matine fintremai lis 5 sot sere (intîr 5 euros, ridot 2,50 euros). "
gjavât fûr di "Gnove mostre al museu Archeologjic" di Marc Stolf
intîr adi.
(in-tîr)
Di bêçs, intune sole monede o intun sôl biliet di bancje
esemplis
"une dì un client al paie lis medisinis cjoltis: undis centesims, ven a stâi une palanche interie e un centesimin. Il zovin di buteghe al cjape la palanche in man e i dîs al paron: "Dotôr, che al viodi che e je mate""
gjavât fûr di "Amîs come prime" di Alan Brusini
intîr adi.
(in-tîr)
No rot, intat, cence dams
sinonims
intat
esemplis
"la glesie e jere restade interie e cree tal mieç dal fisc des cjasis [bombardadis]"
gjavât fûr di "Cjalant la rive" di Agnul di Spere
intîr adi.
(in-tîr)
Di animâl, che nol è stât spadât
sinonims
cence spadâ, no spadât
esemplis
"il cjaval spadât al è plui dolç di bocje di chel intîr"
intîr s.m.
(in-tîr)
Il dut, il totâl, la unitât
sinonims
dut, totâl, totalitât, unitât
esemplis
"lis parts che a fasin l'intîr"
intîr adi., s.m.
(in-tîr)
[TS] (mat.) Ogni numar naturâl positîf e negatîf, e ancje il zero, che no son ni decimâi ni frazionaris
detulis
"cul art e cul ingjan si campe mieç an, cul art e cul mistîr si campe l'an intîr"
torne sù