Tu âs cirût la peraule
monolengâl
torne indaûr

monolengâl

isolament s.m.
(i-so-la-ment)
L'isolâ, l'isolâsi, cundizion di cui e di ce che nol à rapuarts o contats cul esterni
esemplis
"secont Cavedalis il pericul al consisteve tal isolament politic e militâr dal Friûl. Par salvâsi no jere che une strade: unîsi a Vignesie"
gjavât fûr di "Zuan Batiste Cavedalis - Une vite esemplâr" di Giovanni Pillinini
"tu tu ti sieris tal to isolament e tu cjacaris nome dal to passât"
gjavât fûr di "Ricuarts e inlusions" di Enrico Martina
isolament s.m.
(i-so-la-ment)
Proviodiment sanitari di slontanâ un malât di chei altris par pericul di infezion
isolament s.m.
(i-so-la-ment)
Tes presons, il tignî un presonîr bessôl, lontan di chei altris, tant che misure di punizion o di torture psicologjiche
esemplis
"mi àn subite puartât te pereson militâr di Peschiera in isolament"
gjavât fûr di "Bestie" di Pauli Cantarut
isolament s.m.
(i-so-la-ment)
[TS] (tecn.) Schermadure di un cuarp o di un ambient cun materiâi che no lassin passâ ondis sonoris, calôr o eletricitât
esemplis
"si otegnin in alternade (AC) cui trasformadôrs a nucli di fier (AC/AC) ma no oltri un ciert limit par problemis di isolament eletric fra lis parts a basse tension e lis parts in alte tension"
gjavât fûr di "Aplicazions des celis organichis nanostruturadis" di Lorenzo Marcolini
torne sù