Hai cercato la parola
monolingue
Torna indietro

monolingue

istitût s.m.
(is-ti-tût)
Ent organizât in autonomie cun fins culturâi, sociâi, economics, di interès public e v.i. e che al pues vê personalitât juridiche
sinonimi
ent, organisim, orghin, istituzion, opare
esempi
" la SFF e je [...] l'unic Istitût culturâl dal Friûl - Vignesie Julie che al fâs part de AICI - Associazion dai Istitûts Culturâi Talians"
da "Relazion dal Grup di lavôr “Planificazion linguistiche”" di Donato Toffoli
"l'Istat al è un di chei Istitûts, come il Censis, che a cjapin note di dut, a tegnin cont di dut, a metin adun ogni robe: [...] e po a butin fûr la lôr sentenzie statistiche"
da "Une robarie ogni miezore" di Riedo Pup
"midiant un istitût pai drogâts al è ancje rivât a tirâsi fûr"
da "Sul florî" di AAVV
Vedi anche: institût
istitût s.m.
(is-ti-tût)
[TS] (scol.) Istituzion publiche o privade li che si insegne, di plui nivei, des elementârs ae universitât
esempi
"tal rispiet de autonomie de scuele i istitûts a adotin lis formis organizativis miôr par davuelzi il servizi"
da "Insegnament dal furlan – la norme “in situazion”: tra regulis e plan de ufierte formative" di Patrizia Pavatti
istitût s.m.
(is-ti-tût)
[TS] (scol.) Part di une facoltât universitarie che e organize la ricercje sientifiche par dissiplinis similârs
esempi
"la direzion de biblioteche e prudele il studi dai fonts; la sezion romaniche le scrutine il grup di studi Fibula [...], diret dal professôr Piotr Tylus (Istitût di Filologjie Romaniche li de Universitât Jagjeloniche di Cracovie)"
da "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
istitût s.m.
(is-ti-tût)
Lûc là che al è sede fisiche di un dai orghins des definizions parsore
esempi
"la sentade si le à fate tal Istitût di Filologjie romanze, îr, ai 4 di Otubar"
da "Memoriis di politiche linguistiche" di Adrian Cescje
istitût s.m.
(is-ti-tût)
[TS] (dir.) Strument di organizazion de societât regolât di normis morâls, culturâls, politichis e juridichis
sinonimi
istituzion, ent
esempi
"[sot Vignesie] la nobiltât e conservave la sô preminence tal Parlament [de Patrie dal Friûl] e chest al deventave un istitût esecutîf dal gnûf guvier: istitût pôc sigûr e pôc disponût a ubidî, parcè che al jere formât cun elements di çocje todescje"
da "Cuintristorie dal Friûl fin sot la Italie" di Josef Marchet
"dopo la fin dal istitût monarchic (1946), la assemblee costituente e scomençà i lavôrs par butâ jù la gnove Cjarte fondamentâl de Republiche"
da "Il furlan tes scuelis e te universitât" di Odorico Serena
Torna in Cima