SuperDizionari

istruzion s.f.
(is-tru-zi-on)

Ativitât indreçade a fâ imparâ nozions e abilitâts

sinonims

educazion, inscuelament, insegnament

esemplis

"il stât talian, midiant de istruzion e de comunicazion, al fâs un sfuarç grant (ancje se mâl impuestât) par che in Italie tante part de popolazion e impari l'inglês, ma cence compuartâ la sparizion de lenghe taliane"

gjavât fûr di "Vuere e pâs - Il conflit linguistic in Friûl jenfri vuere cidine e pâs bausarie" di Sandri Carrozzo

Viôt ancje: instruzion

istruzion s.f.
(is-tru-zi-on)

Risultât dal insegnament

sinonims

culture, educazion

esemplis

"in zornade di vuê, cence un fregul di istruzion no si fâs un pas di nissune bande"

gjavât fûr di "Lis predicjis dal muini" di Josef Marchet

istruzion s.f.
(is-tru-zi-on)

[TS] (milit.) Complès di esercitazions teorichis e pratichis par preparâ i militârs ae azion in combatiment

esemplis

"a fânus istruzion su la Mont dai Bûs, o vevin un sergjent lunc e sec e il caporâl maiôr, Spolar"

gjavât fûr di "I universitaris" di Alan Brusini

istruzion s.f.
(is-tru-zi-on)

Indicazion esate su ce che si à di fâ, su cemût che si à di compuartâsi, lavorâ e v.i.

sinonims

consei, indicazion, norme, ordin, recipe

esemplis

"par presentâ la domande al covente prime prenotâsi sul sît www.comune.udine.it e lâ daûr des istruzions dadis"

gjavât fûr di "Domandis di acès pal font afits fin ai 28 di Avrîl" di Marc Stolf

istruzion s.f.
(is-tru-zi-on)

Massime tal pl., descrizion tecniche di un ogjet, di un prodot, di une sostance e v.i. e informazion di cemût doprâle

esemplis

"lis indicazions sul cartelon [dal zûc da la ocje] a son par furlan, lis istruzions a son ancje par talian"

gjavât fûr di "Il zûc de ocje in lenghe" di Erika Adami

istruzion s.f.
(is-tru-zi-on)

[TS] (inform.) Comant di un lengaç di programazion par fâi eseguî al ordenadôr une operazion specifiche

sinonims

ordin

istruzion s.f.
(is-tru-zi-on)

[TS] (dir.) Ativitât dal procès là che si cjape sù il materiâl di prove

monolengâl