Tu âs cirût la peraule
monolengâl
torne indaûr

monolengâl

jet s.m.
Mobil cuntune struture che e ten sù midiant di une rêt di metal o di dovis un stramaç cun bleons e cuviertis par durmî o polsâ
esemplis
"so fradi tal jet vicin al durmive come un çoc, dute la cjase cidine, difûr nancje un chic"
gjavât fûr di "Nadâl ancje par Gjelmin" di Pieri Menis
"tal jet si remenave cence podê cjapâ sium"
gjavât fûr di "Il muc" di Roberto Ongaro
"la matine a jerin restâts tal jet fin tart"
gjavât fûr di "In viaç di domenie" di Agnul di Spere
"in chel moment si lassave colâ in senton sul jet"
gjavât fûr di "Trê feminis" di Gianni Gregoricchio
"Micjeil al era marangon e al faseva di dut, jets e armârs, cuni e cassi"
gjavât fûr di "Micjeil di Citia" di Novella Cantarutti
Viôt ancje: liet
jet s.m.
Il durmî, il polsâ, il mût di passâ la gnot (ancje fig.)
sinonims
polse
esemplis
"il jet mi pese se ben che mi sint tant strache, mi sentarai dongje il fûc"
gjavât fûr di "Vilie di Nadâl" di Pieri Somede dai Marcs
"Bielite e vaìve di gnot cuintri dal cussin ruspiôs, e il jet al jere di baraçs, strafont di lagrimis"
gjavât fûr di "Il cûr te tiere" di Dino Virgili
jet s.m.
Strât che si poie o si distire alc sore
esemplis
"[il folp a la galiziane] si pues ancje servîlu cuntun jet di patatis che si à spelât taiât a fetis e cuet te aghe vanzade dopo cuet il folp"
gjavât fûr di "Polbo á feira – Folp a la galiziane" di Sandri Carrozzo
jet s.m.
Ingjâf intaiât tal teren par li che e passe la aghe di un flum
esemplis
"lis granadis a passavin ciulant rabiosis, lant a sclopâ abàs jù pai crets, jù pai prâts, jù pai boscs e tai jets dai flums"
gjavât fûr di "Cemût che o soi restât caporâl" di Pieri Menis
"il Riu di Forcje al ven jù [...] intun jet larc e profont plen di clapons"
gjavât fûr di "Neveade" di Marisa Moretti
detulis
"cui che al à pissât tal jet che nol disi di vê sudât"
"cui che al cjante in taule e in jet al è un mat perfet"
"cui che al mangje ufiei al pisse tal jet"
"cul cjalt dal jet no si scjalde la cite"
"il jet cjalt al fâs la mignestre frede"
"il jet no si lu fâs par durmî une sole sere"
"ni in taule ni in jet no si puarte rispiet"
"pan pe fam, aghe pe sêt e jet pe sium"
"Sant Benedet un par sorte, doi par jet"
"sossedarie: o jet o panarie"
"tal jet se no si po durmî si polse"
torne sù