Tu âs cirût la peraule
monolengâl
torne indaûr

monolengâl

jevâsi v.pron.intr.
(je-vâ-si)
Tirâsi sù impins
esemplis
"Gusto Masin a non de minorance al domandà la peraule e si jevà a fevelâ"
gjavât fûr di "La aghe da pît la cleve" di Dino Virgili
Viôt ancje: levâsi
jevâsi v.pron.intr.
(je-vâ-si)
Dal soreli, de lune e di altris cuarps celescj, vignî sù de linie dal orizont
esemplis
"jù te val si dismôf il paîs. / Il soreli si jeve di bore / fin a lenzi forans e ruvîs"
gjavât fûr di "Cjant al Friûl" di Gjiso Fior
jevâsi v.pron.intr.
(je-vâ-si)
Di uciei, tacâ a svolâ
sinonims
partî, petâ il svol, jevâ, jevâ il svol
esemplis
"lis lodulis si jevin ca e là fûr dai sterps, si voltolin tal cil cuntun legri strìt e poò, a plomp, e tornin jù tun bati di voli"
gjavât fûr di "Ancje la vite culì e finìs" di Cesare Bortotto
"al era il cator che al si è levât svualant jù abàs rasu via li gravi"
gjavât fûr di "Sacrup" di Novella Cantarutti
jevâsi v.pron.intr.
(je-vâ-si)
Di alc di imateriâl, nassi, cressi, vê efiet e v.i. (fig.)
esemplis
"come saborâ tal timp che si jevin lis liendis"
gjavât fûr di "La aghe da pît la cleve" di Dino Virgili
"ca si jeve un ferment / al mormore dut Udin"
gjavât fûr di "Orès lâ a Triest " di Pieri Çorut
"si jevarin sù reazions di ogni sorte, come che al jere di imagjinâsi"
gjavât fûr di "Memoriis di politiche linguistiche" di Adrian Cescje
jevâsi v.pron.intr.
(je-vâ-si)
Cressi di volum pe fermentazion produsude dal levan
sinonims
cressi, dâ sù, sglonfâsi
esemplis
"lassâ l'impast a jevâsi tun puest clip"
jevâsi v.pron.intr.
(je-vâ-si)
Vê une forme o une dimension che e ven insù rispiet a une linie di riferiment
esemplis
"si fermà tal çondar di chel cret che si jeve a tramontane sul spieli dal lâc"
gjavât fûr di "La gnot di Sant Cjandit" di Josef Cjargnel
"il dint di Paludana, plantât suntun dai cjantons pi secrets da la Miduna, al si leva a spontâ il ciel"
gjavât fûr di "Val intun sum" di Novella Cantarutti
jevâsi v.pron.intr.
(je-vâ-si)
Di vôs o sun, cressi di intensitât o vê un volum alt, jessi sintût, in assolût o parsore di altris rumôrs
esemplis
"il Bulo al jentrave sot il so puarton cuant che si jevà une vôs"
gjavât fûr di "Il Bulo di Crodio" di Maria Forte
torne sù