SuperDizionari

monolengâl

judâ v.tr.
(ju-dâ)

Fâ in maniere che cdn. al rivi a fâ alc, o a fâlu miôr e cun mancul fadie, o fâ in maniere che al stedi miôr

sinonims

favorî, parâ, prudelâ, sovignî, tignî man, dâ une man, assisti, coadiuvâ

esemplis

"dâ di mangjâ, judâ tun lavôr, assisti tune bisugne o tune malatie, insegnâ a cui che nol sa, chês a son caritâts"

gjavât fûr di "I furlans e la caritât" di Riedo Pup

"ju fasè jentrâ, ur de di cene, e ju metè a durmî sul toblât, a pat che tal indoman le judassin a bati [il forment]"

gjavât fûr di "Il prin sarasin" di Catarine Percude

"mandimi une letare e judimi a capî, a capîti, prin che al sedi masse tart pardabon"

gjavât fûr di "Ricuarts e inlusions" di Enrico Martina

"Luzio, anime mê! Oh! Signôr judaitmi… Luziut benedet no stâ murî, ah! Ce aio fat mai me!… "

gjavât fûr di "Al fresc" di Pieri Somede dai Marcs

Viôt ancje: udâ, aiudâ

detulis

"conseis di viei a judin i zovins"

"cui che si jude ancje Diu lu jude"

"di rive jù ducj i sants a judin"

"e je caritât tant a judâ cui che al vûl fâ robe, come a dâi un poc a cui che al vûl lâ in malore"

"grant sant che al è sant jude, pecjât che in chest mont si lasse viodi di râr"

"il diaul al jude i siei"

"il flôr tal cjamp, lu jude ogni sant; l'om tal mont, Diu lu jude ogni tant"

"il sorc tal cjamp bisugne che lu judi ogni sant"

"in chest mont dut al jude"

"injù ogni sant jude; insù nissun no si impace"

"jude cui che al à voie di fâ ben e cui che al vûl lâ in malore judilu a strucjâ"

"juditi tu che ti judarai ancje jo"

"la fortune e jude cui che le tente"

"Sant Simon e jude la rave a ven madure, madure o no madure, si le met sot sieradure"

"se a 'nt fos, se a 'nd ves, se a 'nt sarès a son trê sants che no judin"

"se a 'nt fos, se a 'nt sarès e se a 'nd jere, a son trê sants che no judin"

torne sù