SuperDizionari

justificâ v.tr.
(jus-ti-fi-câ)

Dimostrâ o cirî di dimostrâ la mancjance di colpe o la presince di causis justis

esemplis

"une des solitis tradizions che si creavin a Rome par justificâ in cualchi maniere lis vueris e i maçalizis che i Romans a fasevin par ingrandî il lôr domini e lis lôr risorsis"

gjavât fûr di "Cuintristorie dal Friûl fin sot la Italie" di Josef Marchet

"al è deventât di mode parâ, justificâ, cirî di capî ducj chei che e àn fat il mâl"

gjavât fûr di "La fabriche dai predis" di Antoni Beline

justificâ v.tr.
(jus-ti-fi-câ)

Jessi une cause juste

esemplis

"o crôt che la aghe dal riul e fos stade masse scjarse par justificâ la spese di une roste di chê fate"

gjavât fûr di "I forescj" di Alan Brusini, Gian Paolo Linda

"i furlans a son stâts piturâts tant che int pronte al riviel e violente [...]. A justificâ cheste innomine no je stade dome la insurezion de Joibe Grasse, ma ancje tancj altris episodis"

gjavât fûr di "Il Friûl de Joibe Grasse dal 1511" di Carli Pup

justificâ v.tr.
(jus-ti-fi-câ)

[TS] (tipogr.) Dâ ordin a un test in verticâl daûr di une linie di riferiment verticâl

monolengâl