SuperDizionari

jù av.

Viers il bas, intune posizion basse, o plui basse

sinonims

abàs, dabàs, dulinjù, in bas, sot, injù

esemplis

"Nita e vierzè il barcon adalt, e cjalà jù"

gjavât fûr di "La aghe da pît la cleve" di Dino Virgili

Viôt ancje: jo

jù av.

Ancje par segnâ une direzion indefinide, a une cierte distance

sinonims

vie

esemplis

"al cjalave jù pe place de bande dal monument, po de bande de strade, ma plui dispès de bande de glesie par cirî sô agne, ma nol rivà adore di viodile"

gjavât fûr di "Sul agâr" di Pieri Menis

jù av.

A nivel bas intune scjale di valôrs, intune jerarchie e v.i.

sinonims

sot, injù

esemplis

"ancje lis usancis, par une reson o par chê altre, no restin simpri compagnis: a van sù e jù, come lis cjançons in une classifiche"

gjavât fûr di "Cuant che il furlan nol è plui tant DOC" di Bete di Spere

"lis temperaduris dal mês passât a son stadis plui jù de medie stagjonâl "

jù av., adi.inv.

Intune cundizion psicologjiche negative, cjapât de malinconie, cence ligrie, cence sperance e v.i.

sinonims

abatût, aflit, avilît, basot, demoralizât, deprès, deprimût, disamorât, discoragjât, discoragjît, dolentrât, gram, grot, indât, ingusît, inmarumît, intosseât, lancurôs, malabiât, malapaiât, malcontent, malinconic, mareât, nichilît, passionât, passionôs, paturniôs, rivilît, scomât, sconsortât, scoragjât, scuintiât, scunît, sfiduciât, suturni, tribulât, vilît

esemplis

"viodistu, e je la tierce volte che e scuen operâsi in cinc agns; e je une vore jù"

gjavât fûr di "Prime di sere" di Carlo Sgorlon

"mi soi simpri sintût un pôc jù in chestis zornadis, però dopo o pensi che o ai cuasi finût [la universittâ] e mi tiri sù"

gjavât fûr di "Nur eine andere stille Nacht..." di Andrea Decorte

jù av., adi.inv.

In cundizions fisiche scjarse, pe strache o ancje in brute situazion di salût, ancje cun specificazion di cualchi mancjance o afezion

sinonims

basot, clopant, debil, flac, flacjon, impotent, lami, mol, dispossent, pendant, pendolant, sflacjon, strac, vîl, mâl, malmetût

esemplis

"si sintive jù di fuarcis e al veve dolôrs pe vite e al jesseve nome tal biel timp"

gjavât fûr di "Par stradis lungjis" di Alan Brusini

jù av., adi.inv.

In fase o in situazion economiche o di valôr o di cuotazion negative

sinonims

bas, sot

esemplis

"comprâ lis azions cuant che a son jù e vendilis cuant che a son sù"

jù av.

Cun valôr enfatic, par dî di un fat o alc che al torne, che si ripet o che al sucêt cun intensitât, cun fuarce, cun decision

sinonims

dai

esemplis

"intant jù pachis e po mi gjavavin une ongule di une man o di un pît, ogni interogatori une ongule"

gjavât fûr di "Storie di Min" di Ivano Urli

"il mont intor di me al jere dut blanc cun cualchi magle maron di morârs. E jù nêf. E jù nêf"

gjavât fûr di "Sense" di Checo Tam

"e jù ridadis e, cuant che a ridevin, par un moment, si dismenteavin de vuere"

gjavât fûr di "Il muc" di Roberto Ongaro

monolengâl