SuperDizionari

là che loc.coniun.

Cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton

sinonimi

dulà che, li che, indulà che

esempi

"ogni volte che o pues fâlu o scjampi a Zeà, tal paisut là che o soi nassût"

da "Cjasute dai ricuarts" di Pieri Menis

""Dulà vâstu po, fantacine?" "No viodêso là che o voi? a passon""

da "La fie e la fiastre" di Luigi Gortani

là che loc.coniun.

Ancje par introdusi une precisazion, une esplicazion

sinonimi

dulà che, li che, indulà che

esempi

"o sin rivâts a la religjon de vuere. Là che la vuere, che pûr no à mai risolt nuie ma dome semenât muarts e ruvinis, e ven considerade la uniche soluzion"

da "La religjon de vuere" di Antoni Beline

là che loc.coniun.

Par introdusi une aversative

sinonimi

li che, dulà che, intant che, invezit, impen, indulà che

esempi

"la Bete i da un «mandi» tant che al ves di tornâ doi dîs dopo, là che invezit al sarès tornât vot mês dopo"

da "Rosaris" di Meni Ucel

" cun di plui, là che une volte, cuntune monture si faseve dut e si leve pardut, vuê, invezit, la mode e à convint la int che, prime di dut al covente il vistît, la divise"

da "I furlans e la mode" di Riedo Pup

monolingue