SuperDizionari

lâ cuintri loc.v.

Lâ bande di cdn. o di alc cuntun moviment frontâl

sinonims

lâ incuintri

esemplis

"'Sefin al è bessôl inte stale. Al va cuintri de puarte, si inacuarç dal baûl che al è metût denant de trombe dal fen"

gjavât fûr di "La foghere" di Luciano Rocco

lâ cuintri loc.v.

Movisi e finî intor di cdn. o di alc ancje cuntun impat

sinonims

lâ intor

esemplis

"un coridôr lunc, o voi indenant a palpe cui braçs slungjâts indenant. O voi cuintri alc, no sai ce. Mi fermi pe pôre. O sint alc a tocjâmi"

gjavât fûr di "Voi celescj" di Stefano Gasti

lâ cuintri loc.v.

Atacâ, assaltâ cdn., ancje cuintri di un grup o di dute une comunitât, ancje cun azions di vuere

sinonims

fâ cuintri, dâ cuintri

esemplis

"«Chê ca no ti passe slisse» dissal, e si butà cuintri il fantat. Al veve lui sperât che Eliseo i les cuintri , par fâ viodi a ducj che nol veve pôre"

gjavât fûr di "Prime di sere" di Carlo Sgorlon

"cundut che Cavedalis al fos contrari a cheste azion e al cirìs di fermâlu, Zucchi al decidè istès di lâ cuintri i todescs"

gjavât fûr di "Zuan Batiste Cavedalis - Une vite esemplâr" di Giovanni Pillinini

lâ cuintri loc.v.

Vê un mût di jessi o di fâ contrari di ostilitât, di oposizion e v.i.

sinonims

contrastâ, dâ cuintri, fâ cuintri

esemplis

"a fuarce di volê lâ cuintri il conformisim uficiâl, a colin intun conformisim contrari"

gjavât fûr di "Cuintristorie dal Friûl fin sot la Italie" di Josef Marchet

lâ cuintri loc.

No rispietâ une norme, une regule e v.i. (fig.)

esemplis

"[i imputâts] no son lâts cuintri lis leçs, ma a àn dome vantât un lôr dirit, che ur spiete ancjemò dai timps dai patriarcjis di Aquilee"

gjavât fûr di "Int di masnade" di Alviero Negro

" cui che al leve cuintri di cheste legjislazion militâr si cjatave denant dai tribunâi speciâi"

gjavât fûr di "La seconde Irlande" di Carli Pup

monolengâl