Tu âs cirût la peraule
monolengâl
torne indaûr

monolengâl

lâ indenant loc.v.
Procedi, vê un moviment intune cierte direzion, ancje cun sens di continuitât (ancje fig.)
sinonims
lâ dilunc, lâ indevant, tirâ dilunc, tirâ indevant, tirâ indenant
esemplis
"il nono al veve un pocje di pôre, al è vêr, ma al leve indenant istès. Al leve jù pe rive"
gjavât fûr di "Gno nono" di Pieri Menis
"i bûs a lavin indenant simpri cun chel bot"
gjavât fûr di "L'avôt" di Maria Forte
lâ indenant loc.v.
Svicinâsi a une fin, a un obietîf, a un risultât e v.i.
esemplis
""Ce fasêso culì, simpri cjacarâ, simpri tabaiâ, e intant i lavôrs no van indenant""
gjavât fûr di "Ursule" di Pieri Somede dai Marcs
lâ indenant loc.v.
Rivâ a vivi, a frontâ problemis, spesis e v.i.
sinonims
tirâ indenant, tirâ indevant, lâ indevant
esemplis
""[...] mi va dut in spesis, in famee sin masse in pôcs, no sai cemût che si larà indenant…""
gjavât fûr di "Vilie di Nadâl" di Pieri Somede dai Marcs
lâ indenant loc.v.
Vê une durade intal timp
sinonims
lâ indevant, lâ dilunc, slungjâsi, continuâ, durâ, tirâ dilunc, tirâ indevant, tirâ indenant
esemplis
"il discors al le indenant par un biel pôc"
gjavât fûr di "Cretevierte" di Roberto Ongaro
"po dopo si à metût sù: il "M.A.F.". Ancje chel al è lât indenant un pôc e po si à fermât"
gjavât fûr di "Il motôr e il penâl" di Marie Del Fabbro Marchi
lâ indenant loc.v.
Procedi intune azion za tacade, fâ une azion in maniere continuade o ripetude, che e pues jessi ancje sotintindude
sinonims
lâ indevant, lâ dilunc, parâ indevant, parâ indenant, continuâ, tirâ dilunc, tirâ indevant, tirâ indenant, tirâ vie
esemplis
"a lerin indenant a fevelâ fin mieç bot"
gjavât fûr di "Un de maiorance" di Agnul di Spere
""[...] cence un model, jo no podarai lâ indenant cul mio lavôr""
gjavât fûr di "Co l'amôr al cimie" di Costantino Smaniotto
"«Mame, no stâ a distudâ il ferâl, che o ai pôre. » «Pree e tâs, i fruts bogns no àn mai pôre. » Po e leve indenant : «Signôr, dait la pâs ai vîfs e la recuie ai puars muarts»"
gjavât fûr di "Cjasute dai ricuarts" di Pieri Menis
detulis
"cui che nol va indenant al torne indaûr"
"lâ indenant dì par dì tant che i uciei"
torne sù