Hai cercato la parola
monolingue
Torna indietro

monolingue

lâ indenant loc.v.
Procedi, vê un moviment intune cierte direzion, ancje cun sens di continuitât (ancje fig.)
sinonimi
lâ dilunc, lâ indevant, tirâ dilunc, tirâ indevant, tirâ indenant
esempi
"il nono al veve un pocje di pôre, al è vêr, ma al leve indenant istès. Al leve jù pe rive"
da "Gno nono" di Pieri Menis
"i bûs a lavin indenant simpri cun chel bot"
da "L'avôt" di Maria Forte
lâ indenant loc.v.
Svicinâsi a une fin, a un obietîf, a un risultât e v.i.
esempi
""Ce fasêso culì, simpri cjacarâ, simpri tabaiâ, e intant i lavôrs no van indenant""
da "Ursule" di Pieri Somede dai Marcs
lâ indenant loc.v.
Rivâ a vivi, a frontâ problemis, spesis e v.i.
sinonimi
tirâ indenant, tirâ indevant, lâ indevant
esempi
""[...] mi va dut in spesis, in famee sin masse in pôcs, no sai cemût che si larà indenant…""
da "Vilie di Nadâl" di Pieri Somede dai Marcs
lâ indenant loc.v.
Vê une durade intal timp
sinonimi
lâ indevant, lâ dilunc, slungjâsi, continuâ, durâ, tirâ dilunc, tirâ indevant, tirâ indenant
esempi
"il discors al le indenant par un biel pôc"
da "Cretevierte" di Roberto Ongaro
"po dopo si à metût sù: il "M.A.F.". Ancje chel al è lât indenant un pôc e po si à fermât"
da "Il motôr e il penâl" di Marie Del Fabbro Marchi
lâ indenant loc.v.
Procedi intune azion za tacade, fâ une azion in maniere continuade o ripetude, che e pues jessi ancje sotintindude
sinonimi
lâ indevant, lâ dilunc, parâ indevant, parâ indenant, continuâ, tirâ dilunc, tirâ indevant, tirâ indenant, tirâ vie
esempi
"a lerin indenant a fevelâ fin mieç bot"
da "Un de maiorance" di Agnul di Spere
""[...] cence un model, jo no podarai lâ indenant cul mio lavôr""
da "Co l'amôr al cimie" di Costantino Smaniotto
"«Mame, no stâ a distudâ il ferâl, che o ai pôre. » «Pree e tâs, i fruts bogns no àn mai pôre. » Po e leve indenant : «Signôr, dait la pâs ai vîfs e la recuie ai puars muarts»"
da "Cjasute dai ricuarts" di Pieri Menis
proverbi
"cui che nol va indenant al torne indaûr"
"lâ indenant dì par dì tant che i uciei"
Torna in Cima